Aqynmen dıdarlasty

Memleket tarıhy ınstıtýty qurylǵan ýaqyttan beri alys-jaqyn sheteldik ǵalymdardyń qatysýymen, atap aıtqanda AQSh, Fransııa, Reseı, Túrkııa, sondaı-aq óz Otanymyzdyń tanymal ǵalymdarymen, belgili qoǵam qaıratkerlerimen kezdesýler ótkizip turýdy ıgi dástúrge aınaldyryp keledi. Jaqynda Ata Zańymyzdyń 15 jyldyǵyna oraı ınstıtýt ǵalymdary kórnekti aqyn, Qazaqstannyń IýNESKO-daǵy turaqty ókili, halyqaralyq antııadrolyq “Nevada-Semeı” qozǵalysynyń prezıdenti Oljas Súleımenovpen kezdesti. Kezdesý barysynda Oljas Omar­uly ınstıtýt qyzmetkerleriniń jumys ornymen, ǵylymı izdenisterimen tanysty. Kitaphanada uıymdastyrǵan “O.Súleımenov jáne onyń zamandas­tary” atty kórmeni tamashalady. Instıtýt dırektory, tarıh ǵylym­dary­nyń doktory, professor Búrkitbaı Aıaǵan 40 jyldan astam ýaqyt boıy adamzat balasyna qasiret tóndirip kelgen Semeı ıadrolyq synaq polıgonynyń ja­bylýyndaǵy Oljas Súleımenovtiń zor úlesin erekshe ataı otyryp, el ta­rıhy belsendi túrde zerttelip jatqan­dy­ǵyn tilge tıek etti. Bıyl ǵalymdar Qazaqstan tarıhynyń jańa oqýlyǵy men hrestomatııasyn jáne onǵa jýyq ǵylymı jáne qoǵamdyq-saıası basylym­dardyń baspadan shyqqanyn jetkizdi. Dıdarlasý sátinde aqyn Qazaq­stannyń IýNESKO-daǵy qyzmeti, qazaq halqynyń álemdik órkenıetke qosqan úlesi men jetistikteri, atqarǵan is-sharalary jaıyn qozǵap, talaı jyldar boıy qalam terbep júrgen “1001 sóz” atty kitabyn daıyndap jatqanyn tilge tıek etti. Ol sonymen qatar, el birligi dok­trı­nasy, jańa til bilimi, jańa oqý­lyq­tar, taǵy basqa ózekti problemalarǵa toqtaldy. A.ÁBENOVA, Memleket tarıhy ınstıtýtynyń ǵylymı qyzmetkeri.