Oblystyq bilim basqarmasynyń málimetterinshe, jalpy oblys mektepterinde 92539 oqýshy bilim alady. Barlyq aýyl men qalada jańa oqý jylyna daıyndyq jumystary óz deńgeıinde júrgizildi. Jalpy, “Jol kartasy” baǵdarlamasy boıynsha oblystaǵy birqatar mektepter kúrdeli jóndeýden ótkizildi. Al, Ertis aýdany Isa Baızaqov aýylyndaǵy 150 oryndyq mektep jergilikti bıýdjet esebinen salynyp jatsa, ol osy qyrkúıek aıynda paıdalanýǵa beriledi dep josparlanǵan.
Oblys kóleminde 420 jalpy bilim beretin mektep bar. Bulardyń qataryndaǵy 335 aýyl mektebinde 35327 oqýshy bilim alýda. О́tken oqý jyly mektepterde 456 ózge ult ókilderiniń balalary qazaq tilinde oqydy. Bul kúnderi qazaq mektepteriniń sany kóbeıýde. Qazir oblysta 147 qazaq mektebi, 154 aralas mektep bar.
Osy jyly 36 bıologııa kabınetin, 27 mýltımedııalyq kabınet ashý josparlanýda. Oblystaǵy 123 mektepti kúrdeli jóndeý úshin 1029,4 mıllıon teńge qarajat jumsaldy. Jazǵy kanıkýl kezinde 1-10 synyp oqýshylary úshin ár túrli úlgide 608 lager uıymdastyryldy. Sonymen qatar, aldaǵy jyldary 216 oryndyq 83 shaǵyn ortalyq ashý, 2435 oryndyq 19 balabaqshany qaıta qalpyna keltirý, oblys ortalyǵynda 1640 oryndyq 8 balabaqsha, Aqsý qalasynda 270 oryndyq 3 balabaqsha, Ekibastuz qalasynda 100 oryndyq 1 balabaqsha, Pavlodar aýdanynda 160 oryndyq 3 balabaqsha, Jelezın, Maı, Ertis, Sharbaqty aýdandarynyń árqaısysynda 1 balabaqshadan ashý josparlanyp, birqatary qoldanysqa berilip te jatyr.
Jańa oqý jylynda aýyl mektepterine 425 jas maman bardy. Jas muǵalimderge turǵyn úı satyp alý úshin qajetti kólemde nesıe qarajaty qarastyrylǵan.
Farıda BYQAI, Pavlodar oblysy.