300 páter jylý júıesine qosylady

Oblystaǵy shalǵaıdaǵy aýdan ortalyǵy bolyp sanalatyn Je­lezınkada sońǵy jyldary  biraz jaqsy ister qolǵa alyna bas­ta­dy. Aýyl sharýashylyǵy órken­degen  jemis-jıdegi mol, úırek pen qazdy kóp ósiretin, jylda mol ónim alatyn astyqty aýdan degen aty bar. Al, aýdan ortaly­ǵynda  ártúrli ult ókilderiniń basyn quraıtyn úsh myńdaı ha­lyq turady. Bulardyń arasynda orta toltyryp О́zbekstan jaǵy­nan kelgen óz qandastarymyz da bar. Qazaq tilinde bilim beretin  jańa orta mektep salyndy. Byl­tyr jańa aýrýhana, sport­tyq-saýyqtyrý kesheni paıda­lanýǵa berildi. Kúnine 500 lıtr sút óndiretin, odan qaımaq, irim­shik, aıran jasap shyǵaratyn “Nóker” atty kooperatıv jumys jasaıdy. Al, bıyl aýdan orta­ly­ǵynda iske asqan taǵy bir sha­rýa – ol talaı jyldar boıy tur­ǵyndar asyǵa kútken bir or­ta­lyqtan jaǵylatyn jylý júıe­siniń iske qosylýy bolyp otyr. Jalpy, aýdanda “Jol kar­tasy” baǵdarlamasy boı­yn­sha 5 joba qolǵa alynǵan bolsa, sonyń  qatarynda aýdan ortalyǵyndaǵy tur­ǵyn-úı kommýnaldyq sharýa­shy­lyq salasyna qarasty ny­sandardy, jeke turǵyn úılerdi jylytý maýsymyna deıin daıyndap, jylý qazan­dyqtaryn aýystyryp, jón­deý-jańartý jumystary júr­gizilýde. Turǵyn úılerden bas­qa 40 áleýmettik nysan da endi osy jylý júıesiniń qyz­metin paıdalanatyn bo­la­dy. Bul maqsatty baǵdarla­ma­ǵa 60 mıllıon teńgedeı qarajat bólingen kórinedi. Aýdan ortalyǵyndaǵy  tur­ǵyn­dardy qýantqan mundaı ıgi is jergilikti “Kómek” dep atalatyn kásiporyn bas­shy­sy Valerıı Jýkovqa júkte­lip­ti.  Bul jumystarǵa 115 adam tartylǵan. Farıda BYQAI, Pavlodar oblysy.