“Qarlyǵash” qanatyn qaqty

Temir aýdanynda sońǵy kezderi áleý­mettik sala nysandarynyń qurylysyn salý qarqyn ala bastady. Muny jurt­shylyq osy aýdannyń tizginin usta­ǵanyna kóp ýaqyt bola qoımaǵan B.Qa­nıevtiń iskerligimen sabaqtastyrady.Ol aýdan aýmaǵynda jumys isteıtin ınvestorlarmen ortaq til tabysý arqyly ózekti máseleniń oń sheshilýine yqpal etip otyrǵan kórinedi. Eki jylǵa jeter-jetpes ýaqytta ǵana toǵyz bala baqsha men tórt klýb paılalanýǵa berilip, ha­lyq­­tyń ıgiligine qyzmet etýde. Jaqynda aýdan ortalyǵy Shubarqudyq kentinde Elbasynyń “Balapan” baǵdarlamasy boıynsha iske qosylǵan 75 oryndyq “Qarlyǵash” balabaqshasy balalardy ǵana emes, olardyń ata-analaryn qýa­nyshqa bóledi. Onyń da reti bar, buryn ortalyqtan qashyqtaý turatyn aýyl jurtshylyǵy bóbekterin ıt ólgen jerge súırep áýrege túsetin, endi irgeden tár­bıeshilerine tapsyryp, alańsyz jumys­taryna aıańdaıtyn kúnge de jetti. Bul balabaqsha qurylysyn tórt aıda “Álıhan Oıl”jaýapkershiligi shekteýli seriktestigi salyp beripti. Jańa nysan­nyń tusaýkeserinde sóz alǵan aýdan ákimi Baýyrjan Qanıev saltanatty sátke jınalǵandardy jańa úlgidegi bala­baqshanyń ashylýymen quttyqtady, sharaǵa qatysqan QR Parlamenti Senatynyń depýtaty Iran Ámirov ıgi tilegin bildirdi, eńbek jáne soǵys arda­geri Aıtbaı Almaǵambetov batasyn berdi. Taǵy bir saltanat osy baǵdarlama aıasyn­da salynǵan 50 oryndyq “Gaýhar” bala­baq­shasy jańadan paıdalanýǵa berilgen Temir qalasynda da boldy. Shúkir, Elba­synyń “Balapan” baǵdar­la­ma­sy osy­ndaı qarqynmen júrgizilse, taıaý ýaqyt­tarda búldirshinderdi mektepke deıingi mekemelerge ornalastyrý máse­lesi túbegeıli sheshimin tabary sózsiz. Satybaldy SÁÝIRBAI, Aqtóbe oblysy.