PAVLODAR. 2 qańtar. Pavlodardaǵy Sultanmahmut Toraıǵyrov atyndaǵy memlekettik ýnıversıtetiniń stýdentteri Tashkentte ótken klassıkalyq paýerlıftıng jáne ziltemirdi kóterýden jarysta chempıon atandy. Bul týraly egemen.kz tilshisi habarlaıdy.
Bul saıysta Qazaqstan, О́zbekstan, Tájikstan, Sıngapýr, Qyryǵzstan, Indonezııa, Arab ámirligi, Túrikmenstan, Aýǵanstan syndy Azııa qurlyǵy memleketterinen 500 sportshy baptary men baqtaryn synady.
Sultanmahmut Toraıǵyrov atyndaǵy ýnıversıtettiń metallýrgııa, mashına jasaý jáne kólik fakýltetiniń stýdenti, paýerlıftıng boıynsha sport sheberi Ernur Haılıamov 59 kıloǵa deıingi salmaq dárejesinde 497,5 kelini kóterip, birinshi oryndy enshiledi. Sonymen qatar, ol halyqaralyq deńgeıdegi sport sheberi ataǵyn aldy. Al hımııalyq tehnologııalar jáne jaratylystaný fakýltetiniń birinshi kýrs stýdenti Álııa Tólegenova ziltemirdi kóterýden elimiz quramasynyń qorjynyn kúmis medalmen tolyqtyrdy.
Farıda Byqaı.
Derek, sýret: egemen.kz.