ASTANA. 3 qańtar. Brazılııanyń soltústik-shyǵysynda ornalasqan Seara shtatynda iri jol apaty boldy. Bul týraly TASS aqparat agenttigine silteme jasaǵan egemen.kz tilshisi habarlady.
Senbi kúni bolǵan apat saldarynan 7 adam oqıǵa ornynda qaza taýyp, 11 jolaýshy túrli jaraqat aldy.
Polısııa qyzmetkerleriniń aıtýynsha, jol-kólik oqıǵasynda basty kiná – jeńil avtomobıldiń júrgizýshisiniń jol erejesin saqtamaýynan bolǵan. Ol belgilenbegen jerden qarsy betke shyǵyp, aldyndaǵy kólikterdi basyp ozbaq kezinde joldyń kelesi betindegi mıkroavtobýstardyń birine kelip soqtyǵysqan.
Jeńil mashına ishindegi bes adamnyń bári oqıǵa ornynda kóz jumdy. Al mıkroavtobýstyń ishinde júrgizýshiniń qyzy men anasy qaza tapty.
Aıta keteıik, náreste qyz aýrýhanaǵa jetkizilgennen keıin birden kóz jumǵan. Qazirgi sátte jaraqat alǵan 11 jolaýshynyń tórteýi jan saqtaý bóliminde jatyr.
Aıan Ábdýálı.
Derek: TASS.
Sýret: ren.tv.