ASTANA. 4 qańtar.Kaspıı teńiziniń Daǵystan jaǵalaýynda qaıyqtary sýǵa batyp ketken balyqshylar qutqaryldy. Bul týraly osy eldiń Tótenshe jaǵdaılar mınıstrligine silteme jasaǵan 24.kz habarlady.
Habarlamada, búgin tańerteń 8 balyqshy mingen qos qaıyq Kraınovka eldi mekeninen 6 shaqyrym jerde apatqa ushyraǵany aıtylǵan.
Izdestirý operasııasyna 2 tikushaq, 6 tehnıka men 31 adam jumyldyryldy. Dárigerlerdiń aıtýynsha, qutqarylǵan balyqshylardyń ómirine eshqandaı qaýip tónip turǵan joq. Qazirgi tańda barlyq zardap shegýshiler dárigerlerdiń jiti baqylaýynda.
Talǵat Raıymbek.
Derek, sýret: 24.kz.