ASTANA. 14 qańtar. Halyqaralyq fýtbol federasııasy qaýymdastyǵy (FIFA) bas hatshylyq qyzmetin atqaryp kelgen Jerom Valkeni ornynan bosatty. Bul týraly ria.ru saıtyna silteme jasaǵan egemen.kz tilshisi habarlady.
Qańtardyń 9-y kúni FIFA-nyń shuǵyl ótkizgen májilisinde bul sheshimniń tez arada óz kúshine enýi talqylandy. FIFA men Jerom Valkeniń arasyndaǵy eńbek qarym-qatynasy osy jerden toqtatyldy. Al onyń qyzmet ornyna Markýs Kattner taǵaıyndaldy.
Aıta keteıik, Jerom Valke ótken jyldyń 17 qyrkúıek kúni Brazılııada ótken Álem Chempıonaty kezinde zańsyz jolmen bılet satty degen aıyp taǵylyp, jumysynan ýaqytsha shettetilgen. Al 7 qańtarda FIFA-nyń arbıtrajdy palatasy Valkeniń bul áreketin áshkerelep shyǵardy.
Jerom Valkeniń zańsyz áreketi bul ispen toqtap qalǵan joq. Sondaı-aq, uıym ishinde bolyp jatqan sybaılas jemqorlyqqa da qatysy bar degen kúdik bar. AQSh basshylyǵynyń aıtýynsha, ol 2008 jyly FIFA qorynan Soltústik pen Ortalyq Amerıka fýtbol konfederasııasyna jáne Karıb elderine 10 mıllıon dollar qarjy aýdarǵan. Bul áreketiniń basty sebebi, 2010 jylǵy Álem Chempıonatynyń Ońtústik Afrıka Respýblıkasynda ótýine baılanysty daýys jınaǵan.
Aıan Ábdýálı.
Derek, sýret: ria.ru.