ASTANA. 14 qańtar. Japonııanyń soltústiginde magnıtýdasy 6,7 balldy quraıtyn jer silkinisi boldy. Ulttyq metereologııalyq basqarmanyń aıtýynsha, epısentri Hokkaıdo prefektýrasynyń soltústiginde, 50 shaqyrym tereńdikte ornalasqan. Apattan zardap shekkender jaıly aqparat joq. Degenmen, atalǵan basqarma mamandary tabıǵat apatynyń sońy sýnamıge ulasýy múmkin degen boljamǵa baılanysty dabyl qaǵýda. Bul týraly TASS aqparat agenttigine silteme jasaǵan egemen.kz tilshisi habarlady.
Jer silkinisi Japonııanyń soltústigindegi 13 eldi-mekenderinde jáne ortalyǵyndaǵy Hokkaıdo, Aomorı, Fýkýsıma, Ivate prefektýralarynda sezilgen. East Japan Railway temir jol kompanııasynyń qyzmetkeri soltústikke bet alǵan «sınkansen» júırik poıyzynyń ýaqytsha toqtatylǵanyn málimdedi. Al japon meteorologtarynyń aıtýynsha, sýnamı tolqyndary mańaıdaǵy halyqqa zııanyn tıgizbeıdi. Alaıda, turǵyndardyń tez arada alystaý jerge qonys aýdarýlaryna keńes berdi.
Japonııanyń ulttyq meteorologııalyq agenttigi jer asty dúmpýiniń bolatynyn birneshe sekýnd aldyn anyqtap úlgergen. Osyǵan baılanysty el turǵyndaryna qulaqtandyrý habarlamasy jyldam ike qosyldy. Tipti, dybyssyz rejımde turǵan uıaly telefondarǵa da estilerlikteı etip eskertý keldi. Mundaı júıe 2011 jyldyń 11 naýryzynda bolǵan qaıǵyly oqıǵadan soń, qoldanysqa engen.
Aıta keteıik, atalǵan jyly Japonııada bolǵan 9,0-9,1 baldy joıqyn jer silkinisiniń arty sý tasqynyna ulasyp, birneshe eldi-mekender jermen jeksen boldy. Eki márte soqqan jer silkinisinen 14 myńnan astam el turǵyny qaza tapty.
Aıan Ábdýálı.
Derek, sýret: TASS.