ASTANA. 14 qańtar. «Qarabotan» oqý-jattyǵý polıgonynda «Batys» óńirlik qolbasshylyǵy áskerleriniń qolbasshysy general-maıor Dáýlet Ospanovtyń basshylyq etýimen 2016 jylǵy alǵashqy praktıkalyq sabaqtar bastaldy. Bul týraly egemen.kz tilshisi habarlady.
О́ńirlik qolbasshylyq áskerleriniń áskerı qyzmetshileri Makarov tapanshasynan oqý atystary men baqylaý atystaryn oryndady.
41433 áskerı bóliminiń jeke quramy praktıkalyq atys daıarlyǵy sheńberinde baqylaý atystaryn, kelisimshart boıynsha áskerı qyzmetshilermen jasaqtalǵan bólimsheler úshin atystar, Makarov tapanshasynan oqý atystaryn oryndady.
Qysqy polıgonnyń kúndizgi jaǵdaılarynda óziniń atys sheberligin shyńdaı otyryp, áskerı qyzmetshiler sondaı-aq túngi oq atýlardy oryndady. Ol úshin birneshe oqý núkteleri óristetildi: normatıv, urysqy daıyndalý, komandırlik qorap, oq atý tapsyrmalaryn sheshý, qol granatalaryn laqtyrý.
Bul sabaqtar «Batys» О́ńQ qolbasshysymen bekitilgen О́ńQ áskerlerine arnalǵan jaýyngerlik daıarlyq baǵdarlamasyna sáıkes ótkiziledi. Jalpy alǵanda, elimizdiń Qarýly Kúshteri áskerı qyzmetshileriniń jaýyngerlik daıarlyǵyndaǵy negizgi kúsh-jiger áskerlerdiń jaýyngerlik qabilettiligin joǵary deńgeıde ustap turýǵa, jaýyngerlik daıarlyq sabaqtaryn uıymdastyrý men ótkizý sapasyn arttyrýǵa baǵyttalady.
Bul rette elimizdiń qorǵanys vedomstvosynyń basshysy belgilegen tapsyrmalarǵa erekshe kóńil bólinedi. Onyń ishinde, jaýyngerlik daıarlyqtyń sapasyn arttyrý, ártúrli jaǵdaılarda áskerı qyzmetshilerdi jaýyngerlik is-qımyldardy júrgizýge oqytý, jaıaý júris marshtardy jasaý, strategııalyq, jedel-taktıkalyq jáne taktıkalyq oqý-jattyǵýlarǵa qatysý, oqý materıaldyq-tehnıkalyq bazany jetildirý jáne dalalyq sabaqtardy ótkizý men nusqaýshylar rólinde tapsyrmalardy oryndaýǵa serjanttar quramyn daıyndaý, sondaı-aq «ArMI-2016» Armııalyq halyqaralyq oıyndarǵa QR QK komandalarynyń daıyndyǵy men qatysýy.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.