Qarsylasynyń mysy basym boldy

Sársenbi kúni Qurlyqtyq hokkeı lıgasy sheńberinde Astananyń «Barysy» Iаroslavlde jergilikti «Lokomotıvpen» kezdesip,   1:4 esebimen ese jiberdi. Matchtyń birinshi kezeńinde esep ashylmady. Kelesi bólikte jankúıerler bir ǵana goldyń kýási boldy. Atap aıtqanda, 31-mınýtta aıdyn ıeleri sapynan Sergeı Konkov mergendigimen kózge tústi. Al sońǵy kezeńde tórt birdeı shaıba soǵyldy. О́kinishke qaraı, sonyń úsheýi bizdiń qaq­paǵa endi. Aldymen, 53-mınýtta «Lokomotıv» oıynshysy De­nıs Mosalev nátıjeli soqqy jasasa, arada bar bolǵany 38 sekýnd ótkende Egor Averın esepti 3:0-ge jetkizdi. Osydan keıin «Barys» hokkeı­shileri lezde ese qaıtaryp, 54-mınýtta komanda kapıtany Brendon Bochenskıdiń kómegimen esep aıyrmasyn qysqartqan bolatyn. Ar­tynsha oıyndy qutqaryp qal­­maq bolǵan jattyqtyrýshy Andreı Nazarov qaqpashyny altynshy oıynshyǵa almastyrdy. Alaıd­a, onyń bul áreketinen túk shyq­pady. Esesine, reseılikter bos qaq­paǵa tórtinshi shaıbany engizip, oıynnyń núktesin qoıdy. Búginde 50 oıynnan 72 upaı jıǵan elordalyqtar Shyǵys konferensııasynda 7-orynda keledi. Bizdiń ujym kelesi oıynyn 17 qańtarda oınaıdy. Ol kúni «Ba­rys» óz aıdynynda Nıjnıı Nov­gorodtyń «Torpedosyn» qa­byl­daıdy. Elaman QOŃYR, «Egemen Qazaqstan».