Qazaqstan Respýblıkasy Joǵary oqý oryndary qaýymdastyǵy halyq qalaýlylarynyń Májilisti taratyp, Parlament pen barlyq deńgeıdegi máslıhattardyń merziminen buryn saılaýlaryn taǵaıyndaý týraly bastamasyn qoldaıdy.
Táýelsizdik tarıhynyń 25 jylynda Qazaqstan memlekettik qurylystyń eń jaýapty kezeńine aıaq basyp, «Bes ınstıtýttyq reformanyń» Ult Josparyn naqty iske asyrýǵa kiristi. Bul barsha qazaqstandyqtardyń birigip, aýqymdy jumysty tyń qarqynmen qolǵa alýyn qajet etedi. Saıası naýqan bolashaǵy birtutas elimizdi birlikke bastap, bıik maqsattar aıasynda tutasa túsýine múmkindik beredi.
Sonymen birge, kúlli álemdi qurdymǵa tartqan tolassyz jahandyq daǵdarystyń kezekti tolqyny kúsheıip kele jatqanyn barshamyz kórip otyrmyz. Bul álemdik naryqtyń ajyramas bóligine aınalǵan Qazaqstanǵa da zardabyn tıgizbeı qoımaıdy. Degenmen, ekonomıkasy nyǵaıyp, aıaǵynan nyq tura qoımaǵan kezderdiń ózinde alapat daǵdarystarǵa laıyqty toıtarys bergen Qazaqstan bul qıyndyqtardan da abyroımen óterine senemiz. Tek saıası naýqandarǵa ýaqyt uttyrmaı, tezirek iske kirisýimiz qajet.
Sol sebepti, Parlament depýtattarynyń bastamasyna qoldaýymyzdy bildire otyryp, barsha qazaqstandyqtardy taǵdyrly máselege ún qosýǵa shaqyramyz.