«Máńgilik El» patrıottyq forýmy

El Táýelsizdiginiń 25 jyl­dy­ǵyna oraı «Nur Otan» par­tııa­synyń oblystyq fılıa­ly oblystyq Qazaqstan halqy Assambleıasy hatshylyǵymen birlesip «Máńgilik El» pat­rıot­tyq forýmyn ótkizdi. Muny osy baǵyttaǵy keshendi isterdiń bas­taýy, táýelsizdiktiń tuǵyryn beki­tetin saıası-mádenı is-shara­lardyń tusaýkeseri dese de bol­ǵandaı. Partııa músheleri men jas­tar qatysqan jıynda «Nur Otan» partııasy oblystyq fılıaly tóraǵasynyń birinshi orynbasary Aıbek Saǵıev sóz alyp, Elbasy Joldaýynda aı­tylǵan «Máńgilik El» ıdeıasyna, ony júzege asyrýdyń tarıhı mańyzdylyǵyna toqtaldy. Ilgeri kúnge úlken úmit artqan bolashaqtaǵy jarqyn isterdiń osy «Máńgilik El» ıdeıasynan arna tartatynyn jetkizdi. Mu­nyń ózi damyǵan 30 eldiń qataryna enýdi mejelep otyrǵan Qazaqstannyń qarqyndy damýyna serpin beretinin atap ótti. – О́tken tarıhqa taǵzym da, búgingi baǵytqa maqtanysh ta, keleshekke senim de «Máńgilik El» degen uǵymǵa syıyp tur. Otan­dy súıý – babalardan mıras bolǵan murany qadirleý, ony saqtaý, óz úlesińdi qosyp damytý, keıingi urpaqqa amanat etip ta­bys­taý. Qazirgi kúni barsha qazaq­­standyqtyń mindeti osy bolýy tıis, – dedi ol. Sharada Q.Jubanov atyndaǵy Aqtóbe óńirlik memlekettik ýnı­versıtetiniń professory Nur­taza Abdollaev elimizdiń 25 jyl ishinde qol jetkizgen jetistigi men Elbasynyń kóregen saıasatyn sabaq­tastyra baıandady. «Máńgilik El» baǵdarlamasynyń tarıhı mańyzynyń tujyrymdaryn tarata áńgimeledi. Bul ıdeıanyń patrıottyq máni men tárbıelik mańyzyna toqtaldy. «Nur Otan» partııasynyń belsendi múshesi, Aqtóbe kólik, kommýnıkasııa jáne jańa tehnologııalar kolledjiniń oqytýshysy Bekzat Qaýmeshev jastar atynan sóz alyp, eli­miz­diń táýelsizdigi haqynda tu­shym­­dy oılaryn ortaǵa saldy. Táýelsizdik jyldaryndaǵy qol jet­ken tabystar men ıgi izdenis­terdi salǵastyra baıandady. – Táýelsiz el atanǵan tusta Elbasy alpaýyt elderdiń kepil­digin ala otyryp, álemde birinshi bolyp ıadrolyq qarýdan bas tartty. Eń aldymen eldiń shekarasyn nyqtap alýǵa umtyldy. Nursultan Ábishuly álemniń bar­lyq elderinen ınvestısııa tartty. Sonyń arqasynda ekonomıkamyz aıaǵynan tik turyp qana qoımaı, qaýipsizdigimizdi de nyǵaıtyp al­dyq. О́ıtkeni, bizde álemniń «aýa raıyn» jasaıtyn elderdiń báriniń de bıznesi bar. Al qyrýar qarjy salyp otyrǵan olar bizdiń elde tynyshtyq bolýyna ábden múddeli, – dedi ol. Al Qazaqstan halqy Assam­bleıasynyń janyndaǵy Ǵy­ly­mı-saraptama tobynyń mú­shesi, Q.Jubanov atyndaǵy Aqtóbe óńirlik memlekettik ýnıver­sı­te­tiniń oqytýshysy Dmıtrıı Masıýk elimizdegi dostyq týraly, bul baǵyttaǵy Elbasy usta­nymdary haqynda áserli áńgi­meledi. Muǵaljar aýdandyq bilim bóliminiń tálimgeri, jas aqyn Nurbol Ybyraev táýelsizdik týra­ly jalyndy jyr oqydy. Forým sońynda patrıottyq ánder shyrqaldy. Satybaldy SÁÝIRBAI, «Egemen Qazaqstan». Aqtóbe oblysy.