Jol boıy servısine serpin beredi

Shúkir, qazir jyl saıyn jol jaǵdaıy jaqsaryp keledi. Ob­lys aýmaǵynan 1894 shaqyrym res­­pýb­lıkalyq dárejedegi qatty jamyl­­ǵyly jol ótedi. Sonyń 658 shaqy­rymy «Batys Eýropa – Batys Qytaı» halyqaralyq kólik dálizi bolyp tabylady. Endigi má­sele osy joldardyń boıynda ha­lyq­­aralyq standarttarǵa saı ser­vıs­tik qyzmetti damytý bolyp otyr. Oblystyq ákimdikte óńir bas­shysy Berdibek Saparbaev, «Qazav­to­jol» UK» AQ basqarma tór­aǵasy Ermek Qızatov, Ulttyq kásipkerler palatasynyń ókilderi jáne oblys kásipkerleri tarapynan jol boıy servıstik qyzmetin damytý jónindegi tórtjaqty memo­randýmǵa qol qoıý rásimi boldy. Sharany kirispe sóz sóılep ashqan oblys ákimi Berdibek Saparbaev óńirdegi joldardyń jaǵdaıyna toqtaldy, 2016 jyly «Aqtóbe – Atyraý» tasjolyn jań­ǵyrtý bas­talatynyn, «Astana – Ar­qalyq – Aqtóbe» tasjolynyń qury­lysyn júrgizý de sheshimin tabý­da ekenin jetkizdi. Sondaı-aq, «Aqtóbe – Or» tasjolyn kúrdeli jóndeý de oılastyrylyp jatqa­nyn aıtty. – Bizdiń óńirden ótetin 1894 shaqyrym respýblıkalyq mańyz­daǵy jol boıynda nebári 170 ser­vıstik ortalyq bar. Solardyń ózi halyqaralyq standarttarǵa saı kelmeıdi. Sondyqtan kúre jol­dyń boıynda zamanaýı servıs­tik qyzmetti damytý kún tárti­bin­degi ózekti másele bolyp otyr. Bul baǵyt­t­aǵy jumysty naqty­laý úshin jol boıy servısin damytý­dyń óńirlik kartasy jasalyp, jumys toby qurylyp, qaı jerde qandaı qyzmet ornalasýy kerek­tigin anyqtaý kerek. Biz óz tarapy­myzdan jer bólýge, ınfra­qurylym júrgizýge qoldaý kórse­temiz. Bir sózben aıtqanda, qolda­nystaǵy jáne salynyp jatqan joldardy tıimdi paıdalanýymyz qajet. Bul – Elbasy tapsyrmasy. «Bız­nestiń jol kartasy-2020» mem­lekettik baǵdarlamasy boıynsha bul maqsatqa 100 mıllıon teń­ge bólindi. Bul jumys odan ári jal­ǵasyn tabady, – dedi óńir basshysy. О́z kezeginde «Qazavtojol» UK» AQ basqarma tóraǵasy Er­mek Qızatov 2015 jyly 2 myń shaqyrym jol salý qolǵa alynyp, sonyń 620 shaqyrymy paıdalanýǵa berilgenin, 2016 jyly da 2 myń shaqyrym jol salynatynyn jetkizdi. Ol son­daı-aq, jol boıyndaǵy servıstik ortalyqtarǵa kireberis joldy asfalttaýǵa, onyń aınalasyn, demalys aýmaǵyn tazalaýǵa, qaýipsizdikti qamtamasyz etýge kómek beriletinin aıtty. Jalpy, jol boıyndaǵy servıstik qyzmetti halyqaralyq standarttarǵa saı keltirýge baılanysty keshendi jumystar júrgizilip jatqanynan habardar etti. Qazir jumys istep turǵan servıstik ortalyqtardyń 75 paıyzy halyqaralyq standarttarǵa saı kelmeıtinin aıta kelip, olardyń jabylmaıtynyn, qazaqstandyq standartqa saı keletindeı qaıta jaraqtandyrylatynyn atap ótti. Satybaldy SÁÝIRBAI, «Egemen Qazaqstan». Aqtóbe oblysy.