ASTANA. 19 qańtar. Reseıdiń Sankt-Peterbýrgtiń «Zenıt» komandasy sapynda óner kórsetetin Brazılııa quramasynyń shabýylshy Halktyń YouTube jelisine jarııalanǵan bir soqqysyn 48 saǵatta bir mıllıonnan astam adam kórip úlgergen. Bul týraly Lenta.ru deregine silteme jasaǵan egemen.kz tilshisi habarlady.
Vıdeoda Halktyń «Zenıttiń» qaqpashysy Iýrıı Ladygın qorǵaǵan darbazaǵa 11 metrlik aıyp soqqysyn uryp jatqany kórsetilgen. Áýeli forvard soqqy jasaǵan kezinde aıaǵyndaǵy kebisi ushyp ketedi. Golkıper buǵan qarap, ań-tań bolyp qalǵan kezde ol kidirmesten dopty qaqpaǵa sart etkizedi.
Rolık Peterbýrg klýbynyń Katarda oqý-jattyǵý jıynyn ótkizip jatqan kezinde túsirilipti.
Jalpy, Halktyń «Zenıt» klýby televıdenıesinde jarııalanǵan buǵan deıingi eń tanymal vıdeosy 9,2 mln. adamnyń kórýine qol jetkizgen eken.
https://youtu.be/qzNMkVKuGws
Bıylǵy maýsymda forvard 16 matchta 8 gol soǵyp, 11 ret nátıjeli pas bergen. Chempıondar lıgasynyń osy jolǵy 5 matchynda 3 gol salyp, 4 pas shyǵarǵan.
Damır Qojamqul.
Derek, foto: Lenta.ru.