ASTANA. 19 qańtar. Reseı sýretshileri Vıktorııa jáne Vladımır Kırılenkolar Sochıde «Fýtbol jáne máńgilik» atty músin jasap shyqty. Bul týraly TASS aqparat agenttigine silteme jasaǵan egemen.kz tilshisi habarlady.
Úlken fýtbol dobyn ustap turǵan maımyldyń músini osy jyldyń sımvoldyq beınesi bolyp tabylady ári Reseıde 2018 jyly ótetin álem chempıonatyna arnalǵan. Ol «Fýtbol jáne máńgilik» atty halyqaralyq jobanyń jalǵasy retinde jasalǵan. Sýretshilerdiń pikirinshe, músin álem birinshiliginde Reseı quramasyna sáttilik alyp kelýge tıis.
Atalǵan halyqaralyq jobanyń tanystyrylymy Kalınıngrad, Ekaterınbýrg, Bratsk, Dondaǵy Rostov, Arhangelsk, Tómengi Novgorod, Máskeý jáne Sochı qalalarynda ótti. Álemdik fýtbol dodasy bastalǵanǵa deıin aralas tehnıkanyń kómegimen daıyndalǵan otyzdan astam kórkem sýret týyndylaryn Reseı qalalary men shetelderden kórýge bolady.
Aıta keteıik, Reseıde 2018 jyly bolatyn álem chempıonaty 14 maýsym men 15 shilde aralyǵynda 12 stadıonda ótedi. Alaman oıyndary Máskeý, Sankt-Peterbýrg, Ekaterınbýrg, Saransk, Qazan, Tómengi Novgorod, Kalınıngrad, Volgograd, Samar, Sochı jáne Dondaǵy Rostov qalalarynda oınalady.
Aıan Ábdýálı.
Derek, sýret: TASS.