ASTANA. 20 qańtar. Amerıkalyq belgili gıtarashy, álemge tanymal Eagles rok-tobynyń negizin qalaýshylardyń biri Glenn Fraı 68 jasynda qaıtys boldy. Bul týraly TASS aqparat agenttigine silteme jasaǵan egemen.kz tilshisi habarlady.
«Úlgili áke, súıikti jar, adal dos bola bilgen ardaqty azamat sońǵy apta boıy revmatoıdtyq artrıt, toqishek jarasy jáne ókpe qabynýy dertterine qarsy qansha kúreskenimen, ókinishke qaraı jazmyshtan oza almady», – deıdi otbasy jáne ujym músheleri.
Aıta keteıik, Eagles rok-tobyn alǵash Fraı jáne Henlı ekeýi 1971 jyly qurǵan. Olar One of These Nights, Best of My Love, Life in the Fast Lane, Take it Easy, Tequila Sunrise syndy belgili hıt ánderdi birinen keıin birin jarııalady. Árıne onyń ishinde Hotel California da bar. Osydan keıin ujym búkil álemge tanyldy. Bir ǵana Their Greatest Hits (1971-1975) án-jınaǵy 29 mıllıon tırajben satylyp, bul jaǵynan Maıkl Djeksonnan keıingi ekinshi orynda turdy.
Eagles 1971-1980 jyldar aralyǵynda halyq aldynda óner kórsetti. Al 1994 jyly MTV arnasyna jazylý úshin qaıtadan birikti, 1994-1996 jyldary jańa aınalym uıymdastyrdy. Osy ýaqyt ishinde olar 160 konsert ótkizdi. Glenn Fraı Eagles quramynda júrgende 1998 jyly rok-n-roll Dańq zalyna qabyldandy. Ujymnyń shyǵarmashylyq týyndylarynyń satylym kólemi 100 mıllıonnan asyp tústi.
Aıan Ábdýálı.
Derek, sýret: TASS.