Elimizde balamasy joq kásiporyn
О́skemende OSB óndirisi boıynsha jańa zaýyt ashylmaq. Jaqynda jańa kásiporynnyń sehynda bolyp, óndiris barysymen tanysyp qaıtqan edik. Qalanyń syrtyndaǵy aınalma joldyń boıynda ornalasqan zaýyttyń ishinde eńbek qaınap jatyr eken. Jalpy aýdany 2,5 myń sharshy metrdi quraıtyn záýlim zaýytta zamanaýı qondyrǵylar ornatylyp, synaqtan ótkizilip jatqanynyń ústinen tústik. Zaýyt jetekshileri úıirilip turǵan áldebir stanoktyń tabanynan ótken aǵashtyń úgindileri daıyn ónim bolyp shyǵýy qajettigin túsindirdi.
Bul úshin onyń jelimi men basqa da qospalary jáne kompıýterlik tehnologııa óz dárejesinde múltiksiz qyzmet atqarýy tıis. Sheteldik bilikti mamandar men kásiporyn qyzmetkerleri qondyrǵy janynda osylaısha ónim óndirý barysyn tekserip turady eken. Jańa kásiporynnyń qondyrǵylary Qytaıdan satyp alynypty. 2014 jyldyń naýryz aıynan bastap júzege asyrylyp jatqan «OSB óndirisi zaýyty» jobasy óńirdiń ındýstrııalandyrý kartasyna kirgen. Jobanyń jalpy quny – 690 mıllıon teńge. Onyń ishinde 400 mıllıon teńge qarajat «Bıznestiń jol kartasy-2020» baǵdarlamasy boıynsha alynsa, qalǵany – jeke qarjy. Zaýyt tolyq qýatyna kóshken kezde munda 140 adam jumys ornymen qamtylatyn bolady. Qazirdiń ózinde 70-ke jýyq adam eńbek etedi.
– Bizge memleket tarapynan aıtarlyqtaı qoldaý kórsetilip otyr. «Damý» qory arqyly qol jetkizgen nesıemizdiń paıyzdyq ústemesi 14 paıyz bolsa, onyń 10 paıyzyn memleket óteıdi, – deıdi zaýyt basshysy Aleksandr Vorobev.
Aleksandr Ivanovıch bizdi OSB zaýytynyń jumys júıesimen tanystyrdy. Munda jylyna 60 myń tekshe metr aǵash óńdeledi. Zaýyt dırektorynyń aıtýynsha, aldymen shıkizat kúıinde kelgen aǵashtar arnaıy zalda qabyǵynan arshylyp, tazalanady. Odan keıin súrgileý stanogyna túsedi. Aǵashtan túgeldeı tegistelgen, uzyndyǵy 0,14 santımetrge deıin, qalyńdyǵy 0,6 santımetrden artyq emes jańqa alynady. Osydan keıin jańqa shıkizaty keptirý barabanyna túsedi. 200 gradýs temperatýrada keptirý úderisinen ótken jańqa irikteý mashınasyna jetkiziledi. Onda irileri men usaqtary suryptalady. Budan keıin jınaqtaýshy býnkerge tasymaldanady. Ári qaraı jelimge aralastyrylyp, OSB kilemi retinde qondyrǵydan tyǵyz kúıinde basylyp shyǵady. Odan soń 200 gradýstyq temperatýrada 160 tonnalyq qysymmen nyǵyzdaýdan ótedi. Osydan keıin ǵana OSB taqtaılary retinde kesilip, daıyn ónim retinde qoımaǵa jınalady.
OSB – qurylys salasynda qat materıaldyń biri. Al otandyq ónimniń bolýy syrttan keletin taýarǵa básekeles bolyp, onyń qunyn tómendetýge septigin tıgizedi. Qazirgi qarjylyq qıyndyqqa qaramastan alyp zaýytty iske qosýǵa bar kúsh-jigerin salyp jatqan kásiporyn jetekshileriniń biri Vıktor Aleksandrovıchtiń aıtýynsha, zaýyt tolyq qýatyna kóshken kezde jylyna 300 myń tekshe metr OSB ónimi óndiriledi. Bul shamamen kúnine bir vagon kólemindeı qurylys materıalyna teń.
Atalǵan jobany júzege asyryp jatqan «Melıssa» JShS 1989 jyldan beri jumys istep keledi. Fırmanyń negizgi qyzmeti aǵashtan túıin túıýimen erekshelenedi. Kásiporyn osyǵan deıin de aǵash óńdeýmen, daıyndaýmen, aǵash sheberligimen jáne kádesyı buıymdaryn jasaýmen shuǵyldanyp kelgen bolatyn. Sondaı-aq, aǵashtan qıylǵan ádemi ǵımarattar salady. Qysqa qaıyrǵanda, búginde aǵashtan jasalǵan 70-ten astam túrli taýar men 40-tan asa kórkem kádesyı túrlerin óndiredi. Saıajaıǵa, demalys ornyna arnalǵan kottedjder nemese qala syrtyndaǵy turǵyn úı, monsha jáne shatyrlardy jekelegen tapsyrystar boıynsha ázirleıdi.
Is júzinde jumys istep turǵan materıaldyq-tehnıkalyq bazasy bar kásiporynnyń janynan qurylyp jatqan jańa jobanyń elimizde balamasy joq ekendigin dál osy ispetti zaýyttyń Reseıdiń Sankt-Peterbýrg pen Kýrgan qalalarynda ǵana bar ekeninen bilýge bolady.
– Bul zaýyttyń elimizde balamasy joq. Qytaıda shyǵarylatyn qondyrǵylardyń barlyǵy bir-birinen ózgeshe bolyp keledi. Sondyqtan, bizdiń qol jetkizgen qondyrǵylarymyzdaǵy keptirý, tyǵyzdaý, OSB kilemin túzý syndy úderisterdiń barlyǵy ózge óndiris oryndarynda basqasha júrgizilýi yqtımal. Jańa qondyrǵylar valıýtanyń burynǵy baǵamy boıynsha satyp alynǵandyqtan kásiporynnyń orta jolda turalap qalmaýyna kóp septigin tıgizdi. Qazirgi daǵdarys ázirge óndiris barysyn qurýǵa qıyndyq keltire qoıǵan joq. Aldaǵy ýaqytta ónimge suranys jospardaǵydaı bolady degen oıdamyz, – deıdi keleshekke senimmen qaraıtyn zaýyt dırektorynyń orynbasary Vıktor Vorobev.
О́skemendik ónim negizinen Qazaqstan men Reseı naryǵyna shyǵarylmaq. Qazirdiń ózinde aldyn ala tapsyrys berýshiler bar. Sátin salsa, alǵashqy ónim kelesi aıdan bastap naryqqa joldama alady.
Dýman ANASh,
«Egemen Qazaqstan».
О́SKEMEN.