Qyzylordada Nazarbaev zııatkerlik mektebiniń oqýshysy Aqmaral Bısenova qysqa tolqyndy peshke hosh ıistendirgish jasaýdyń jańa tásilin oılap tapty. Onyń aıtýynsha, atalǵan tásil arqyly 5 mınýtta kez kelgen ǵımaratty qajetti jupar ıiske bóleýge bolady.
Innovasııalyq jobanyń jetekshisi Nurbol Appazov: «Bul ónertabys álemdegi belgili porfıýmerlerdiń suranysyn týdyrýy múmkin. Ony basqa salada da paıdalanýǵa múmkindik zor», – deıdi. Sondaı-aq, ol ázirlengen ádisti farmasevtik ónerkásipte, ıaǵnı dári daıyndaý kezinde, taǵam men boıaý ónerkásibinde eritindilerge paıdalanýǵa bolatynyn aıtty.
Ádette, hosh ıistendirgishke negiz retinde munaı qaldyqtary qoldanylady. О́ıtkeni, reaksııaǵa as sirke sýy men katalızator qatysady. Al jas ónertapqyshtyń bul jobasyndaǵy hosh ıistendirgishte zatty óndirý kezinde qaldyq shyqpaıdy ári qospadan tazalaý úshin qosymsha shyǵyn talap etilmeıdi. Sondyqtan da mamandar Aqmaraldyń osy tásilin ekonomıkalyq turǵyda óte tıimdi deıdi.
Aıta keteıik, óner ıesi bolashaqta óz jetekshisimen birlesip bıznes-jospar ázirlep, demeýshi taýyp, jobany qoldanysqa engizýdi kózdep otyr.
Tórebek TURMANOV.