Biz Prezıdentimiz N.Á.Nazarbaevtyń Qazaqstan Respýblıkasy Parlamenti Májilisiniń kezekten tys saılaýyn ótkizý týraly sheshimin qoldaımyz jáne bul sheshim ınstıtýttyq reformalardyń keń aýqymdy baǵdarlamalaryn engizý úshin ońtaıly jaǵdaılar jasaıdy, daǵdarysqa qarsy tıimdi sharalar qabyldaýǵa múmkindik beredi dep esepteımiz.
Jahandyq daǵdarys pen onyń Qazaqstan ekonomıkasyna keri yqpaly aǵymdaǵy kezeńniń qıyndyqtaryna, halyqtyń túrli toptary men kásibı qoǵamdastyǵynyń talaptaryna baǵdarlanǵan adekvatty sheshim jasaýdy talap etedi.
Saılaý ótkizý joǵaryda atalǵan jumystardy tabysty júrgizý úshin qajetti yntalandyrýshy bolady. Olar qoǵamnyń barynsha belsendi jáne básekege qabiletti kúshterin judyryqtaı jumylyp, ortaq múdde jolynda birigýge múmkindik beredi.
Kezekten tys saılaý eldi keń aýqymdy jańǵyrtý baǵdarlamalaryn júzege asyrýdyń eń bastapqy kezeńinde ótkizile otyryp, qoǵamdy toptastyrýǵa, álemdik daǵdarystyń keri yqpalyn eńserý men Ult Jospary reformasyn oryndaýǵa barlyq qoǵamdyq ınstıtýttardyń úılesimdi qatysýyn qamtamasyz etetin birtutas azamattyq tuǵyrnama qalyptastyrady dep sanaımyz.