QARAǴANDY. 26 qańtar. Qaraǵandyda beısbol taıaǵymen qorqytyp, úı tonap júrgen kúdiktiler qolǵa tústi. Bul týraly oblystyq ishki ister departamenti baspasóz qyzmetine silteme jasaǵan egemen.kz tilshisi habarlady.
Úsh adamnan quralǵan qylmystyq top aýqatty turǵyndardyń páterlerine basa-kóktep enip, úı ıelerin tapanshaǵa uqsas zatpen jáne beısbol taıaǵymen qorqytyp, aqsha men qymbat zattaryn alyp ketip júrgen. Máselen, olar qalanyń Oktıabr aýdanyndaǵy bir páterge shabýyl jasap, 200 myń teńgeni tartyp áketken.
Kúdiktilerdi qolǵa túsirý tártip saqshylaryna ońaıǵa túspedi. О́ıtkeni olar betperde kıip, sońdarynan iz qaldyrmaı, asa saqtyqpen áreket etip júrgen.
Taıaýda osy is boıynsha arnaıy qurylǵan jedel top – qylmystyq polısııanyń jedel ýákilderi men «Arlan» arnaıy tobynyń jaýyngerleri kúdiktilerdi qolǵa túsirdi.
Osy is boıynsha qylmystyq is qozǵalyp, sotqa deıingi tergeý amaldary júrgizilýde.
Qaırat Ábildınov.
Derek: Qaraǵandy oblystyq ishki ister departamentiniń baspasóz qyzmeti.
Sýret: egemen.kz.