ASTANA. 26 qańtar. Kýba 2015 jyly 3,5 mıllıonnan astam sheteldik saıahatshylardy qabyldap, jańa kórsetkishke qol jetkizdi. Bul týraly TASS aqparat agenttigine silteme jasaǵan egemen.kz tilshisi habarlady.
Ulttyq bıýro 3 mıllıon 524 myń 779 sheteldik týrıster kelgenin málimdedi. Atalǵan elge kóbine Kanada, Germanııa, Fransııa, Ulybrıtanııa, Italııa jáne Ispanııa elderinen demalýshylar jıi keledi. Al Latyn Amerıkasynan Meksıka jáne Venesýela memleketteri Kýbaǵa barǵandy jón kóredi.
Sońǵy kezderi Japonııadan, Gaıtı aralynan, Irlandııa jáne Polsha memleketterinen kelýshiler sany artty. Sondaı-aq, arnaıy 12 ruqsatnamaǵa baılanysty Amerıka azamattary da jıi keledi.
Saıahatshylar úshin Kýbada jalpy sany 62 myń oryndy qonaq úıler qyzmet etedi. Onyń 60 paıyzy sheteldik kompanııalardyń ıeliginde. 16 paıyzyna arnaıy birikken kásiporyndar basshylyq etedi. Al eldiń týrızm mınıstri 2020 jylǵa qaraı memleketke qarasty 85 myń orny bar qonaq úıler salýdy josparlap otyr.
Aıan Ábdýálı.
Derek, sýret: TASS.