ShYMKENT. 26 qańtar. Ońtústik Qazaqstan oblysynda maýsymdyq tumaýdan qaýip joq. Bul týraly egemen.kz tilshisi habarlady.
Oblystyq densaýlyq saqtaý basqarmasy basshysynyń orynbasary Aıgúl Saparǵalıevanyń aıtýynsha, el arasynda «shoshqa tumaýy» dep atalatyn tumaýly 37 adam Shymkent qalalyq juqpaly aýrýhanasynda em alyp, tolyqtaı jazylǵan.
Baspasóz máslıhatynda sóz alǵan OQO tutynýshylar quqyǵyn qorǵaý departamenti basshysynyń orynbasary Jumaǵalı Medetov ekpe jumystary kezinde oblysta 450 myń azamattan bólek, 4,5 myń adamǵa jumys berýshilerdiń esebinen, 318 adamǵa aqyly esepten ekpe jumystary jasalǵanyn aıtty. «Al maýsymdyq tumaýǵa shaldyqqan 37 adamnyń bireýi de ekpeden ótpegen. Bir qýantarlyǵy, olardyń eshqaısysy maýsymdyq tumaýdyń qaýipti túrimen emes, atalǵan tumaýdyń ortasha, jeńil túrimen naýqastandy. Búginde olardyń jaǵdaılary jaqsy. Eshqandaı qaýip joq», dedi ol.
Aıta keteıik, shoshqa tumaýyna qarsy 450 myńnan astam adamǵa ekpe jasalǵan. Onyń 16 paıyzy júkti áıelder bolsa, 60 paıyzy búldirshinder.
Baqtııar Taıjan.
Derek, sýret: Ońtústik Qazaqstan oblysy densaýlyq saqtaý basqarmasy.