TARAZ. 28 qańtar. Jambyl oblysynyń О́ńirlik kommýnıkasııa qyzmetinde Jambyl oblysy jergilikti polısııa qyzmetiniń basshysy Baqytjan Beıseev brıfıng ótkizip, jergilikti polısııa jumysyn túsindirdi. Bul týraly egemen.kz tilshisi habarlady.
Eskere ketetin jaıt, Qazaqstannyń barlyq óńirinde jańa jyldan bastap jergilikti polısııa qyzmeti óz jumysyn bastady.
Elbasynyń tapsyrmasyna sáıkes, 5 ınstıtýsıonaldy reformasy jáne «100 naqty qadam» jańa Ulttyq josparyn oryndaý, bul jańa tarıhı jaǵdaıda búgingi syrtqy men ishki jaǵdaıǵa shyǵar tıimdi jol ári 30 damyǵan memleket qataryna josparly túrde ený bolyp tabylady.
Elbasynyń tapsyrmasyn oryndaý barysynda Ulttyq jospardyń 30 baǵytyna sáıkes, Jambyl oblysynda jergilikti polısııa qyzmeti quryldy. Atalǵan qyzmet fýnksııasyna qoǵamdyq tártip kúzeti, jol qaýipsizdigi men turmystyq qylmystyń aldyn-alý mindetteri kiredi.
Jambyl oblysynda osy ýaqyt aralyǵynda QR Ákimshilik quqyqtyq buzýshylyqtar zańnamasyna sáıkes, 2015 ákimshilik quqyqtyq buzýshylyqtar, jol polısııasy boıynsha 2016 jyldyń 1 qańtarynan 9 myńnan asa jol júrý erejeleri buzylǵany anyqtaldy. Júrgizilgen profılaktıkalyq jumystar nátıjesinde Jambyl oblysynda avtojoldaǵy jol-kólik oqıǵasynyń sany 41 paıyzǵa tómendedi, deıdi jergilikti polısııa basshysy Baqytjan Beıseev.
Jergilikti polısııaǵa ótken qyzmetkerlerdiń shtattyq sany 1 110 adamdy quraıdy. Jyl basynan beri Jambyl oblysynda 2027 ákimshiliktik quqyq buzý faktisi tirkeldi.
Oralhan Dáýit.
Derek, sýret: egemen.kz