AQTAÝ. 28 qańtar. Aqtaýda sábıin qutqarmaq bolǵan anaǵa qaraqshy 1 mln. teńge kóleminde shyǵyn keltirdi. Bul týraly tumba.kz saıtyna silteme jasaǵan egemen.kz tilshisi habarlady.
Buǵan deıin habarlaǵanymyzdaı, Aqtaýdaǵy páterlerdiń birine aldap kirip, qundaqtaǵy sábıge tapansha kezený arqyly úı ıesin qorqytqan qaraqshy odan qymbat zattardy talap etken bolatyn. Quqyq qorǵaý oryndarynyń málimdeýinshe, sábıdiń anasy qaraqshyǵa 450 myń teńge aqsha men altyn áshekeılerin bergen. Qaraqshynyń jalpy paıdasy 1 mln. 94 myń teńge kóleminde bolyp tur. Qazirgi tańda fotorobot arqyly qylmeskerdiń 1982 jyly týylǵan О́zbekstan azamaty ekeni naqtylanyp, izdestirý jumystary tek Aqtaý qalasy men oǵan jaqyn mańdardaǵy eldi mekenderde ǵana emes, alystaǵy aýyldarda da júrgizilýde.
Gúlaıym Shyntemirqyzy.
Derek: tumba.kz.
Sýret: aktau-mangistau.kz.