О́z nárestesin ózgeniki dep shaǵymdanǵan
Aǵymdaǵy jyldyń 19 qańtarynda Selınograd aýdandyq ishki ister bólimine aýdandyq eldi mekenderdiń birinde turatyn 20 jasar azamatsha habarlasyp, úıdiń alańynda qatyrma qorapqa salynǵan jańa týǵan náresteni baıqaǵanyn aıtty. Bul jóninde oblystyq ishki ister departamentiniń baspasóz qyzmeti habarlady.
Júrgizilgen jedel is-sharalardyń nátıjesinde, náresteni polısııaǵa habarlasqan azamatshanyń ózi dúnıege ákelgeni anyqtaldy. Júktilik pen ózdigimen bosanǵanyn jasyrý maqsatynda ishki ister organdaryna kórineý jalǵan shaǵym aıtqan.
Qazir sotqa deıingi óndiris qozǵalyp, tergeý júrgizilýde. Azamatshanyń is-áreketinde kórineý jalǵan shaǵym aıtý jáne balalardyń ómiri men densaýlyǵyn saqtaýdy qamtamasyz etý boıynsha mindetterdi kópe-kórineý laıyqsyz oryndaý belgileri qarastyrylady.
Qazirgi tańda náreste men anasy dárigerlerdiń qaraýynda.
Baqbergen AMALBEK,
«Egemen Qazaqstan».
Aqmola oblysy,
Selınograd aýdany.