Astana qalasy Kámeletke tolmaǵandar isteri jónindegi mamandandyrylǵan aýdanarlyq soty temeki ónimin kámeletke tolmaǵandarǵa satý faktisi boıynsha ákimshilik is qaralyp, sot talqylaýyna qatysqan jasóspirimderge temeki ónimderin satýdyń quqyqtyq jaýapkershiligi jóninde túsindirý keńesi ótkizildi.
On segiz jasqa tolmaǵan jastarǵa temekini jáne temeki buıymdaryn satqan jeke tulǵalarǵa – jıyrma, shaǵyn kásipkerlik sýbektilerine – qyryq, orta kásipkerlik sýbektilerine – alpys, iri kásipkerlik sýbektilerine seksen aılyq eseptik kórsetkish mólsherinde aıyppul salynady. Eger ákimshilik jaza qoldanylǵannan keıin bir jyl ishinde qaıtalap jasalǵan áreket – qyzmetti nemese jekelegen qyzmet túrlerin toqtata turyp, jeke tulǵalarǵa – qyryq, shaǵyn kásipkerlik sýbektilerine – alpys, orta kásipkerlik sýbektilerine – seksen, iri kásipkerlik sýbektilerine bir júz alpys aılyq eseptik kórsetkish mólsherinde aıyppul salýǵa ákep soǵady.
Jıynda Kámeletke tolmaǵandar isteri jónindegi mamandandyrylǵan aýdanarlyq sotynyń sýdıasy Janargúl Alpysbaeva jasóspirimderge salamatty ómir saltyn nasıhattap, dene tárbıesimen aınalysý, durys tamaqtaný, esirtkiden, temekiden, alkogoldy ishimdikterden aýlaq bolý qajettigin aıtty.
– О́skeleń jas urpaqty teris ádetterden saqtandyrý búginde ózekti máselege aınalyp otyr. Esirtki, ishimdik, temeki sııaqty zııandy ádetterden tyıyla almaı júrgen jastardy mundaı jat qylyqtardan aryltyp, jańa jolǵa salý bizdiń boryshymyz. Kúndelikti ómirde oryn alyp júrgen úlkendi-kishili qylmystardyń deni osy ishimdik pen esirtkiniń saldarynan bolatynyn biz jaqsy bilemiz. Ul-qyz tárbıelep otyrǵan ata-ana, árıne, urpaǵym jaman bolsyn demeıdi. О́siredi, oqytady, jaqsy jolǵa salady. Degenmen, sony túsinbeı, óse kele araq pen esirtkiniń quly bolyp júretinder az emes. Mundaı jastar ata-anasynyń tapqan-taıanǵanyn shashyp qana qoımaıdy, kóp keshikpeı ózderi de aıyǵýy qıyn dertke ushyraıdy. Osynyń kesirinen ózin ómirge ákelip, ósirip, tálim-tárbıe bergen ata-anasyn Ákimshilik quqyq buzýshylyq týraly zańymen jaýapkershilikke tartylýyna ıtermeleıdi. Zań ata-ananyń nemese basqa da zańdy ókilderdiń balalardy tárbıeleý jónindegi mindetterdi oryndamaýy zańda ákimshilik jaýapkershilikke ákep soqtyrady, – dedi sýdıa Janargúl Alpysbaeva.
Ata-ananyń nemese basqa da zańdy ókilderdiń kámeletke tolmaǵan balalardy tárbıeleý men oqytý jónindegi mindetterdi oryndamaýy úshin – 7 aılyq eseptik kórsetkish mólsherinde aıyppul salynady. Eger ákimshilik jaza qoldanylǵannan keıin bir jyl ishinde qaıtalap jasalǵan áreketti – 20 aılyq eseptik kórsetkish mólsherinde aıyppul salýǵa, ne 15 táýlikke deıin ákimshilik qamaqqa alý kútip turady. Al, kámeletke tolmaǵan adamdy ákimshilik quqyq buzýshylyq jasaýǵa tartý úshin 100 AEK mólsherinde aıyppul salý jazasy qoldanylady.
Nazar QASYM.