PAVLODAR. 26 qańtar. Oblys ortalyǵynda 15 pán boıynsha ótken 9-11 synyp oqýshylary arasynda oblystyq olımpıadaǵa 25 komandaǵa bólingen 707 oqýshy qatysty. Bul jaıynda «Ertis daryny» ortalyǵynyń baspasóz qyzmetine silteme jasaǵan egemen.kz tilshisi habarlady.
«Eń úzdik olımpıadalyq komanda-2016» nomınasııasy jaratylystaný-matematıkalyq baǵyty boıynsha: I oryn - daryndy balalarǵa arnalǵan №8 lıseı-mektebi; II oryn - daryndy er balalarǵa arnalǵan oblystyq qazaq-túrik lıseı-ınternaty; III oryn - «Jas daryn» mamandandyrylǵan mektebi; gýmanıtarlyq baǵytynda: I oryn - oblystyq daryndy balalarǵa arnalǵan kóp salaly lıseı-ınternaty; II oryn – daryndy balalarǵa arnalǵan №3 gımnazııasy; III oryn – «Jas daryn» mamandandyrylǵan mektebi. «Olımpıadanyń jańa juldyzy» nomınasııasy qazaq-túrik lıseıdiń oqýshysy Temirjan Karına atandy. S.Toraıǵyrov atyndaǵy memlekettik ýnıversıtettiń granttaryn Úshterek aýyl mektebiniń oqýshysy Aıbolat Qojahmetov, Qaraoba aýylynan Mádıne Temirova, Birlik aýylynyń oqýshysy Qarlyǵash Jumaǵalı aldy. Innovasııalyq Eýrazııa ýnıversıtetiniń grantyn oblys ortalyǵyndaǵy №22 mektep oqýshysy Aslana Salımova ıelendi.
Farıda Byqaı.
Derek, sýret: egemen.kz.