Qazaqstan Respýblıkasy Prezıdenti janyndaǵy Ortalyq kommýnıkasııalar qyzmetiniń Almaty bólimshesinde «Zańgerler ádil saılaý úshin» respýblıkalyq qoǵamdyq birlestiginiń ókilderi elimizde naýryz aıynda ótetin saılaýǵa qatysty ózderiniń jańa aımaqtyq fılıalyn ashqandyǵyn málimdedi.
Atalǵan qoǵamdyq birlestiktiń tóraǵasy, D.Qonaev atyndaǵy Eýrazııalyq zań akademııasynyń rektory О́miráli Qopabaev jýyrda Astana qalasynda Parlament Májilisiniń jáne jergilikti máslıxattardyń saılaýlaryna baılanysty Qazaqstanda Saılaý barysyn baıqaý jónindegi respýblıkalyq komıssııa óz jumysyn bastaǵanyn jáne oǵan elimizge tanymal saıasatkerler, sarapshylar, jýrnalıster men úkimettik emes uıymdar ókilderi qatystyrylyp otyrǵanyn málimdedi.
– Saılaýdyń ashyq ári zań talabyna saı ótýin qamtamasyz etetin komıssııanyń basty maqsaty – saılaýdy baıqaý. Mindetimiz – saılaýshylarmen sóılesip, olardy saıası naýqanǵa daıyndaý. Biz xalyqpen ǵana emes, shetelden kelgen baıqaýshylarmen, árbir partııa ókilimen jumys isteıtin bolamyz. Bul komıssııanyń quramyna elge belgili azamattar kirgen, – deı kele, О́miráli Qajybaıuly ózi tóraǵalyq etetin qoǵamdyq birlestiktiń jańa fılıaly týraly da málimet berip, onyń atqaratyn mindetterin jýrnalısterge tanystyryp ótti.
«Zańgerler ádil saılaý úshin» respýblıkalyq qoǵamdyq birlestiginiń Almaty qalasynda jáne oblysynda ashylǵan saılaýaldy shtabtary táýlik boıy jumys isteıdi jáne baıqaýshylar saılaýshylardyń mindetteri men quqyqtary týraly málimet berip, zań aıasynda saılaýdyń demokratııalyq talaptarǵa saı ótýin qamtamasyz etedi.
Qanat ESKENDIR,
«Egemen Qazaqstan».
ALMATY.