Oblystyq máslıhattyń besinshi shaqyrylǵan kezekten tys sessııasynda halyq qalaýlylary Qoǵamdyq keńestiń quramyn, onyń erejesin bekitti. О́tken jyldyń qarashasynda Elbasy qol qoıǵan «Qoǵamdyq keńester týraly» Zańǵa sáıkes, qoǵamdyq keńeske óńirden 17 adam múshe boldy.
Olardyń qatarynda úsh sheneýnik qana bar, qalǵandary ardagerler, aýyl sharýashylyǵyn uıymdastyrýshylar, úkimettik emes uıym músheleri, belsendi azamattar.
Qoǵamdyq keńestiń tóraǵasy bolyp, belgili aýyl sharýashylyǵyn uıymdastyrýshy, Qazaqstannyń Eńbek Eri Saıran Buqanov saılandy. Onyń hatshylyǵyna halyq qalaýlylary Qazaqstan halqy Assambleıasynyń múshesi Valerıı Vıshnıchenkony laıyq dep tapty. Taıaý kúnderi qoǵamdyq keńes músheleriniń oblys ákimimen alǵashqy kezdesýi bolady. Odan keıin mundaı kezdesý yrǵaqty ótip turady, óıtkeni, oblystaǵy mańyzdy máselelerdiń barlyǵy aldymen qoǵamdyq keńes múshelerimen aqyldasyp, sheshiledi.
– Bul elimizde demokratııany damytýdaǵy mańyzdy qadam der edim. Qoǵamdyq keńes jarııalylyq, móldirlik ustanymynda jumys isteıtin. Ol halyq pen atqarýshy bılik arasyn jaqyndata túsedi, – deıdi oblystyq máslıhattyń hatshysy Saılaýbek Esjanov.
Jergilikti atqarýshy bıliktiń halyq aldyndaǵy jaýapkershiligin óz erkimen qoǵamdyq keńeske kirgen onyń árbir múshesi teń bólisetin bolady.
Názıra JÁRIMBETOVA,
«Egemen Qazaqstan».
QOSTANAI.