«Nur Otan» partııasynyń Almaty qalasyndaǵy Áýezov aýdandyq fılıalynda azamattardyń ótinish-aryzdaryn jergilikti atqarý organdarynyń qaraýy jónindegi aýdandyq partııalyq baqylaý komıssııasynyń otyrysy ótti. Kún tártibinde tórt másele qaraldy. Talqylanǵan taqyryptardyń ekeýi ashyq qaralsa, partııanyń ishki jumystaryna qatysty eki másele jabyq esik jaǵdaıynda ótti.
Birinshi kezekte jergilikti turǵyndar partııanyń aýdandyq bólimshesine kóbinese qandaı aryz-tilektermen keledi jáne osynyń nátıjesi nendeı ekeni sóz bolyp, osy suraqqa qatysty partııanyń aýdandyq fılıalynyń 2015 jylǵy esebi tyńdaldy.
Sondyqtan, otyrysqa aýdan ákimdiginiń, bilim basqarmasynyń, densaýlyq saqtaý salasy men halyqqa turmystyq qyzmet kórsetetin salalar basshylary shaqyryldy. Aýdanda salaǵa jetekshilik etip otyrǵan adamdardyń barlyǵy 2015 jylǵa tolyqqandy esep berdi. О́tken jyly osy mekemeler boıynsha kóbinese qandaı aryz-shaǵymdar boldy jáne olar qalaı sheshim tapty? Azamattardyń suranysy qansha paıyzǵa oryndaldy? Osy suraqtarǵa jaýap berildi.
Saılaý qarsańynda ótkizilip otyrǵan otyrystyń taǵy bir maqsaty – osy saıası naýqan aldynda partııa músheleriniń jaýapkershiligin arttyryp, tártipti qataıta túsý. О́ıtkeni, bılik partııasy mundaı jaýapty kezeńde óz bedeline de kóp jumys isteıtini belgili. Partııa músheleriniń jumylatyn kezi de osy.
– Bizdiń Almaty qalasy Áýezov aýdany boıynsha partııanyń atyna ótken jyly 1 myńǵa jýyq aryz-shaǵym, ótinish tústi. Paıyzǵa shaǵyp qaraıtyn bolsaq, máseleniń kóbi turǵyn úı-kommýnaldyq sharýashylyqtaryna qatysty bolyp keledi. Sol sııaqty, bilim berý men densaýlyq saqtaý salalaryna baılanysty túıtkilder kóp. Oǵan qosa, azamattardyń ótinishteri men aryzdarynyń bir bóligi jumyspen qamtamasyz etý máselesine jatady. Al bizdiń mindet – turǵyndar tarapynan túsip jatqan suranystardyń sheshimin tabý. Partııaǵa aryzdanyp kelgen adamdardyń isterin aıaqsyz qaldyrmaýǵa tyrysamyz. Jyldan-jylǵa partııaǵa júginetinder men aryz sany da kóbeıip keledi. Bul – túk jumys atqarylmaı jatyr degen sóz emes, kerisinshe, partııaǵa azamattardyń senimi ósti degen sóz, – deıdi Áýezov aýdandyq partııalyq baqylaý komıssııasynyń tóraǵasy Tóleýǵalı Taıtóleev.
Al jabyq esik jaǵdaıynda ótken kún tártibindegi eki máselege kelsek, zań boıynsha jyl saıyn partııanyń baqylaý komıssııasynyń músheleri aýysyp otyrady. Sonymen, onyń eki múshesi jańardy. Sondaı-aq, partııanyń jańa jyldaǵy tártibi boıynsha, komıssııa tóraǵasynyń orynbasary taǵaıyndalýy tıis.
Aınash ESALI,
«Egemen Qazaqstan».
Almaty.
Sýretti túsirgen
Iýrıı BEKKER.