AQTО́BE. 16 aqpan. Aqtóbelik 29 pedagog «О́rleý» biliktilikti arttyrý ortalyǵy» AQ oblystyq fılıalynyń pedagog qyzmetkerlerdiń biliktiligin arttyrý ınstıtýtynda «Dintaný negizderi» kýrsyn oqytýdyń teorııalyq jáne ádistemelik negizderi kýrsy boıynsha dáris alyp, sertıfıkattarǵa ıe boldy. Bul týraly egemen.kz tilshisi habarlady.
Osy pánnen sabaq beretin ustazdar aldynda fılosofııa ǵylymdarynyń doktory, professor Altaı Taıjanov, pedagogıka ǵylymdarynyń kandıdaty, oblystyq pedagog qyzmetkerlerdiń biliktiligin arttyrý ınstıtýtynyń kafedra meńgerýshisi Abaı Dúısenbaev, oblystyq din isteri basqarmasynyń basshysy Baýyrjan Esmahan jáne taǵy basqa mamandar dáris oqydy.
Pedagogıka ǵylymdarynyń kandıdaty Abaı Dúısenbaevtyń aıtýynsha, jalpy bilim beretin mektepterde «Dintaný negizderi» búginge deıin 9-synyp oqýshylaryna fakýltatıvtik sabaq retinde júrgizilip kelse, aldaǵy oqý jylynan bastap 8-9-synyptar úshin mindetti pán retinde baǵdarlamaǵa engiziledi eken. Pán muǵalimderi oqýshylarǵa álemdik jáne dástúrli dinderdiń tarıhy, búgini jaıly aıtýmen ǵana shektelmeı, olardy dinı sektalardyń qurǵan torynan, jat aǵymdardan qorǵana bilýge úıretýleri kerek. Al bul jastar tárbıesi úshin óte mańyzdy qadam ekenin anyq.
Satybaldy Sáýirbaı.
Derek: egemen.kz.
Sýret: aktobegazeti.kz.