ASTANA. 16 aqpan. Taekvondodan Túrkııada ótken Turkish Open halyqaralyq týrnırinde Qazaqstandyq sportshylar úsh medaldi qorjynǵa saldy. Bul týraly egemen.kz tilshisi habarlady.
Saıys barysynda 49 kılo salmaqta synǵa túsken Aınur Esbergenova kúmis júldege qol jetkizdi. Ol Túrkııa, Belgııa jáne Horvatııa sportshylarynan basym túsip, fınalda taǵy bir túrik qyzy Rýkıe Iyldırımge ese jiberdi.
Sonymen qatar, 58 kılo salmaq dárejesinde el namysyn qorǵaǵan Almas Muqamyrov qola medaldi moınyna taqty. Almas jartylaı fınalda palestınalyq Abý Alrýbýden jeńilgen bolatyn. О́z kezeginde Palestına sportshysy osy salmaqtyń chempıony atanǵanyn atap ótken jón.
Qorjynǵa túsken úshinshi medaldi 74 kıloda baq synaǵan Erjan Abylqas aldy. Jartylaı fınalda ózbekstandyq sportshyǵa jol bergen Erjan týrnırdiń qola júldegeri atandy.
Aıta keteıik, atalǵan saıysqa Qazaqstan negizgi qurammen qatysty. Quramanyń kóshbasshysy Nursultan Mamaev qana Túrkııadaǵy dodaǵa qatysa almady. Ol búginde Fılıppınde irikteý týrnırine daıyndalýda.
Elaman Qońyr.
Derek: egemen.kz.
Sýret: confederation.kz.