ASTANA. 16 aqpan. 2016 jyldyń 1 qańtarynda elimizdegi halyq sany 17 671 000 adamǵa jetti. Bul týraly Ulttyq ekonomıka mınıstrliginiń baspasóz qyzmetiniń aqpary boıynsha egemen.kz tilshisi habarlady.
Sonyń ishinde qalalyqtar – 10066,7 myń (57%), aýyldyqtar – 7604,3 myń adam (43%) boldy. 2015 jylǵy 1 qańtarmen salystyrǵanda halyq sany 253,6 myń adamǵa nemese 1,46%-ǵa ósti.
2015 jyldyń qańtar men jeltoqsan aılary aralyǵynda 398,6 myń sábı týdy. Bul 2014 jyldyń osy kezeńimen salystyrǵanda 0,6%-ǵa az. 2014 jyldyń qańtar men jeltoqsan aralyǵynda 401,1 náreste dúnıege kelgen bolatyn. Al, byltyr qaıtys bolǵan adamdar sany 131,9 myń adam boldy. Bul 2014 jylmen salystyrǵanda 0,2%-ǵa az. 2014 jyly 132,2 myń adam júrip ketti.
Dastan Kenjalın.
Derek: Qazaqstan Respýblıkasy Ulttyq ekonomıka mınıstrligi.
Sýret: egemen.kz