KО́KShETAÝ. 16 aqpan. Aqmola oblysy qylmystyq ister jónindegi mamandandyrylǵan aýdanaralyq soty adam óltirdi degen aıyp taǵylǵan azamattyń isin qarap, ony 14 jylǵa bas bostandyǵynan aıyrý jazasyn berdi. Bul týraly oblystyq sot baspasóz qyzmetiniń deregine súıengen egemen.kz tilshisi habarlady.
Sot anyqtaǵandaı, spırttik ishimdikti ishý kezinde azamat T. pen tanysy ekeýi ózara sózge kelip, artynda janjaldasyp qalǵan. Buǵan olardyń buryn aralaryndaǵy bolǵan kıkiljińdi eske alyp, bir-birlerine kiná artýlary alyp barǵan. Osy urys-keristiń barysynda bastalyp ketken tóbeleste T. bótelkelesin uryp jyǵyp, aıaǵymen aıaýsyz soqqylaǵan. Osydan keıin eshqandaı qarsylyq kórsete almaǵan tanysyn basynan ura bastaıdy. Osy soqqylardyń nátıjesinde tanysy oqıǵa ornynda qaıtys bolady.
Sot úkimimen azamat T. Qylmystyq kodekstiń 96-baby, 2-bóligimen («Adam óltirý») kináli dep tanylyp, oǵan qatań rejımdegi túzeý kolonııasynda 14 jyl merzimge otyrý jazasy taǵaıyndaldy. Budan basqa, odan jábirlenýshiniń paıdasyna 3 000 000 teńge moraldik zııan óndirilip alyndy.
Sot úkimi zańdy kúshine engen joq.
Baqbergen Amalbek.
Derek, foto: Aqmola oblystyq soty baspasóz qyzmeti.