KО́KShETAÝ. 16 aqpan. Aqmola oblystyq ishki ister departamentine qarasty jol-patrýldik polısııa qyzmetkeri para alǵaly jatqan jerinde qolǵa túsip qaldy. Bul týraly oblystyq ishki ister departamenti baspasóz qyzmetiniń deregine silteme jasaǵan egemen.kz tilshisi habarlady.
Oblystyq ishki ister departamenti ózindik qyzmettik baqylaý qyzmetkerleri jemqorlyqpen kúresý jáne onyń faktilerin anyqtaý maqsatynda kezekti reıdtik jumystaryn j.rgizip jatyr. Olar ózderiniń durys joldan taıǵan áriptesteriniń «las tirlikteriniń» aldyn kesýge kúsh salýda.
«Aqpannyń 14-i kúni saǵat 15:15 mınýt shamasynda Stepnogor qalasy avtovokzaly ǵımaratynyń ishinde 42 jastaǵy jergilikti turǵynnan 100 myń teńge kóleminde para almaq bolǵan jol-patrýldik polısııa rotasynyń qyzmetkeri qolǵa tústi. Atalǵan jol-patrýldik polısııa qyzmetkeri mas kúıinde kólik basqarǵan júrgizýshini ákimshilik jaýapkershilikten bosatý úshin aqsha suraǵan», - delingen habarlamada.
Qazirgi tańda 23 jastaǵy polısııa qyzmetkeri ýaqytsha ustaý oqshaýlaǵyshynda otyr. Onyń ústinen Qylmystyq kodekstiń 366-baby, 2-bóligi boıynsha qylmystyq is qozǵaldy.
Baqbergen Amalbek.
Derek: Aqmola oblysy ishki ister departamentiniń baspasóz qyzmeti.