Úsh jylda 273 baspana

asyraýshysy joq jetim balalarǵa berildi Sońǵy úsh jylda Pavlo­dardaǵy asyraýshysy joq 273 bala baspanamen qamtyldy. Sondaı-aq, 5 stýdent 9 aı boıy Malta elinde bilimderin je­tildirip keldi. Bul jaıynda oblystyq máslıhattyń hatshysy Vladımır Berkovskıı óńirlik qoǵamdyq keńes otyrysynda málimdedi. – Búginde jastar úıindegi barlyq tárbıelenýshiler arnaıy kýrstardan ótkizilip, ká­sibı maman retinde eńbekke tartylýda. Árıne, bul oraıda jastardyń jumysqa ornalasýyna aımaqtaǵy de­pýtattardyń tikeleı yqpaly boldy. Son­daı-aq, jetim balalardy pat­ro­nattyq tár­bıege alǵysy kel­gen 18 otbasy ótinish berdi, – dedi más­lıhat hatshysy. Sonymen qatar, depýtat Malta elinen bilim alyp kelgen 5 stýdent jaıly da aıtty. «Olar – dedi, V.Berkovskıı – kásibı maman retinde sheber­likterin shyńdap keldi. Bilimderin je­til­dirdi. Endi bul jastar Pav­lodardaǵy mu­naı óńdeý zaýytynda jumys isteıdi. Jalaqy alyp, óz kún­derin ózderi kórip júr». Tórebek TURMANOV.