PAVLODAR. 17 aqpan. Halyqaralyq KATEV qoǵamdyq qorynyń bastamasymen oblys ortalyǵyndaǵy «Ertis daryny» oqý-ádistemelik ortalyǵy qazaq-túrik lıseı-ınternatynda 7-11 synyp oqýshylary arasynda qazaq tilinen olımpıadanyń oblystyq kezeńin ótkizdi. Bul jaıynda «Ertis daryny» ortalyǵynyń baspasóz qyzmetine silteme jasaǵan egemen.kz tilshisi habarlady.
Olımpıada jumysy 5 baǵyt boıynsha júrgizildi: qazaq tili men ádebıeti, mánerlep oqý, vokal, ǵylymı joba, jazbasha shyǵarmashylyq jumys. Baıqaýǵa 64 ózge ult ókili, 76 aýyl mektepterinen, 70 daryndy balalarǵa arnalǵan arnaıy bilim ordalarynan kelgen oqýshylar qatysty. Olar «Tilshi-ádebıetshiler», «Sóz sheberleri», «Ánshi-bulbuldar», «Jas ǵalymdar», «Jazýshylar» saıystarynda qazaq tilinen bilim jarysyna tústi. Saıystyń uıymdastyrý komıteti ádil qazylar músheleri ǵalymdar, muǵalimderge «Til janashyry» sývenırlerin tabystady.
Olımpıadanyń qorytyndysy boıynsha júldeli oryndar bylaısha ornalasqan: I oryn – 9, II oryn – 24, III oryn – 37.
Aıta keteıik, Astanada naýryz aıynda ótkiziletin VIII respýblıkalyq olımpıadasyna oblystyq kezeńiniń jeńimpazy bolǵan 9 oqýshy jiberiledi.
Farıda Byqaı.
Derek, sýret: egemen.kz.