«Birlik» saıası partııasy 20 aqpan kúngi úgit-nasıhat jumysyn Almatydan bastady. Partııa tóraǵasy Serik Sultanǵalı «GreenBusCompany» jáne «KazTransGazО́nimderi» jaýapkershiligi shekteýli seriktestikterine baryp ujym eńbekkerlerimen kezdesti.
О́ndiristiń jaǵdaıymen tanysyp, jumysshylardy partııanyń saılaýaldy baǵdarlamasynyń negizgi baptarymen tanystyrdy. Serik Sultanǵalıulynyń aıtýynsha, partııa músheleri ekologııa jáne qorshaǵan ortany qorǵaý máselesine aıryqsha mán berip otyr. «Biz ata-babalarymyz tárizdi bolashaq urpaqqa tabıǵaty búlinbegen, tunyǵy laılanbaǵan Qazaqstandy amanat etýimiz kerek»,– dedi ol bul rette.
О́z kezeginde atalǵan mekemelerdiń eńbekkerleri partııanyń saılaýaldy baǵdarlamasy týraly keńirek málimet alýǵa yntaly ekendikterin baıqatty. Máselen, ujym múshelerin qyzyqtyrǵan taqyryptyń negizgi aýany Almaty sııaqty iri megapolıstiń bolashaǵy, sonymen qatar, shaǵyn jáne orta bıznesti qoldaý máselesi tóńireginde órbidi.
Partııa basshylyǵy ózderine qoıylǵan suraqtarǵa tushymdy jaýap berip, aldaǵy saılaýda «Birlik» saıası partııasyna daýys berýge shaqyrdy. «Birlik» – óz múshelerinen izgi nıetti, adal qyzmetti, taza ortany talap etetin partııa. Sondyqtan, óz bolashaǵyna beıjaı qaramaıtyn azamattardyń «Birlikke» daýys berýin qalaımyz», – dedi S.Sultanǵalı.
Keshe «Birlik» saıası partııasynyń tóraǵasy Serik Sultanǵalı úgit-nasıhat jumystarymen Atyraýǵa bardy. Munda partııa jetekshisi qatarynan eki óndiristik kásiporynǵa bas suqty. Partııa tóraǵasy «Izgi nıet, adal qyzmet, taza orta» degen urandy tý etken «Birlik» partııasynyń ustanymy «EkoAnalıtık» ǵylymı-óndiristik ortalyǵy men óndiristik qaldyqtardy basqarý jónindegi «Vest-dala» zaýytyndaǵy saılaýshylardyń maqsat-muratymen úndes ekenin aıtyp, bul kezdesýdiń eki jaq úshin de mańyzy erekshe ekenin atap ótti. Sonymen qatar, atalǵan kásiporyndardyń da, partııanyń da alǵa qoıǵan ortaq maqsattarynyń biri – qorshaǵan ortany qorǵaý men áleýmettiń ekologııalyq mádenıetin arttyrý ekenin jetkizdi. Bul kúni úgit-nasıhat jumysyna qatysqandar kásiporyn eńbekkerlerin partııanyń saılaýaldy baǵdarlamasyndaǵy ekologııa jáne qorshaǵan ortany qorǵaý jónindegi usynystarymen tanystyrdy.
Partııa tóraǵasy S.Sultanǵalı óndiris ujymdaryna aımaqtyń ekologııasyn jaqsartýǵa qosqan úlesi úshin úlken alǵys aıtty. Sondaı-aq, ol óndiristik kásiporyndar ekologııanyń eýropalyq standartqa saı talaptaryn oryndaǵanda ǵana Qazaqstan óndirilgen ıgilikterdiń jalpy kólemi ǵana emes, ómir sapasy jaǵynan da damyǵan elderdiń qataryna kirý merzimin jedeldetedi degen oıyn jetkizdi.
Jalpy, «Birlik» saıası partııasy úgit-nasıhat jumystaryn jan-jaqty bastap ketti. Máselen, partııanyń Respýblıkalyq shtabynda «Birliktiń» jańartylǵan resmı saıty tanystyryldy. Saıtty daıyndaý jumystaryna bir aıdan astam ýaqyt ketken eken. Partııa belsendileri ınteraktıvti tehnologııalardy paıdalaný arqyly saılaýshylarmen qarqyndy túrde jumys júrgizbek. «www. pp-birlik.kz saıty ınternet qoldanýshylaryna yńǵaılanyp jasalǵan. Onda birneshe jańa bólim bar. Atap aıtqanda, saılaýshylarǵa zańdyq keńes berýge arnalǵan «Zańger kómegi» bólimi úgit-nasıhat jumystary kezinde óte paıdaly bolmaq»,– deıdi partııa ókilderi.
Saıtta partııalyq tizim boıynsha Parlament Májilisi depýtattyǵyna usynylǵan kandıdattardyń tizimi, olardyń ómirbaıany týraly tolyq málimet jarııalanǵan. Sondaı-aq, saılaýshylarǵa, kandıdattarǵa, sonymen qatar, kandıdattardyń senim bildirilgen adamdaryna arnalǵan ádistemelik nusqaýlyqtar bar, olarmen keri baılanys ornatý jelisi de iske qosylǵan.
Sondaı-aq, «Birlik» partııasynyń músheleri áleýmettik jelilerde de partııanyń jeke paraqshasy jaryq kóretinin, osylaısha saıası uıym ókilderi úgit-nasıhat sharalaryn joǵary qarqynmen atqarýdy kózdep otyrǵanyn jetkizdi.
Láıla EDILQYZY,
«Egemen Qazaqstan».