О́SKEMEN. 22 aqpan. «Máńgilik el» poıyzymen Shyǵys óńirine kelgen meımandar óńir jastarymen dóńgelek ústel basynda kezdesti. Bul týraly Shyǵys Qazaqstan oblysynyń aqparattyq ortalyǵyna silteme jasaǵan egemen.kz tilshisi habarlady.
Kezdesý barysynda memlekettik-áleýmettik tapsyrystar aıasynda júzege asyrylǵan birqatar jobalar tanystyryldy. Dáýlet Serikbaev atyndaǵy Shyǵys Qazaqstan memlekettik tehnıkalyq ýnıversıtetinde ótken kezdesýde «Táýelsizdik tarıhy – Ult rýhynyń kórsetkishi» taqyrybymen tusaýkeser-dárisi, «Máńgilik el – Ult kelesheginiń rýhanı negizi» atty ekijaqty suhbat ótti.
Sondaı-aq, meımandar Sársen Amanjolov atyndaǵy Shyǵys Qazaqstan memlekettik ýnıversıtetinde «Táýelsizdikke – 25 jyl» atty kitap kórmesin tamashalady. Qonaqtarǵa ýnıversıtet murajaıy, «Zııatker» ǵylymı-zertteý ortalyǵy men dárishanalar tanystyryldy. О́zderiniń bilim-bilikterin kórsetken jastardyń ǵylymı jobalary men ózge de jumystaryn delegattar joǵary baǵalady.
Odan ózge aýyl sharýashylyǵy men kásipkerlikti óristetý boıynsha dóńgelek ústelder uıymdastyryldy. Ulttyq kásipkerler palatasynyń ókili Quralaı Qanahına óńir kásipkerlerine naýryz aıynan bastap «Kásipkerlikti damytýdyń aımaqtyq kartasy» iske qosylyp, barlyq óńirlerdegi shaǵyn jáne orta bıznestiń damý deńgeıi, problemalyq máseleleri men áleýeti, kásipkerlerdiń usynystary arnaıy portalda jarııalanyp, bıznestiń alǵa basýyna taǵy da bir erekshe jaǵdaı jasalatynyn jetkizdi. Bıyl «Bıznestiń jol kartasy – 2020» baǵdarlamasy boıynsha, ekonomıkanyń basym baǵyttaryn qarjylandyrý sharalary aıasynda shaǵyn jáne orta bıznesti damytýǵa barlyǵy 300 mıllıard teńge bólinetinin atap ótti. «Syılastyq. Túsinistik. Kelisim» taqyrybynda taǵattylyq pen kelisimdi qalyptastyrýǵa arnalǵan iskerlik oıyndar erekshe qyzyǵýshylyq týǵyzdy. Sondaı-aq qonaqtar oblys ortalyǵynyń kórikti oryndaryn aralap, estelikke sýretke tústi.
Dýman Anash.
Derek, sýret: Shyǵys Qazaqstan oblysynyń aqparattyq ortalyǵy.