Erekshe áser aldyq

«Turan – Astana» ýnıversıtetinde osy oqý ordasynyń stýdentterine Keńes Odaǵynyń Ba­tyry, Halyq Qaharmany, synaýshy-ush­qysh, zertteýshi-ǵaryshker, general-maıor, tehnıka ǵylymdarynyń dok­­tory, ýnıversıtettiń qurmetti pro­fessory Toqtar Ońǵarbaıuly Áýbá­ki­rov­tiń ataýly stıpendııasynyń ıege­r­­lerine kýálikter tapsyrý saltanaty ótti. Osymen besinshi márte ótkizilip otyr­ǵan bul shara jalpy qatysýshy stý­dent­terdiń kóńilinde esten ketpes ke­remet áserler qaldyrdy. Bul shara tuń­ǵysh qazaq ǵaryshkeriniń ǵarysh­qa ushýynyń 25 jyldyǵyna jáne onyń 70 jyldyq mereı toıyna oraı­lastyrylǵan bolatyn. Tuńǵysh ǵaryshker Toqtar Áýbá­kirov bul sharany uıymdastyrýǵa atsalysqan ýnıversıtettiń profes­sorlyq-oqytýshylyq ujymyna, sondaı-aq, ýnıversıtet rektory Gúljamal Álken­qyzy Japarovaǵa alǵysyn bil­dire kele, ataýly stıpendııa stýdent­terdiń oqýǵa degen yntasyn kó­terse, keleshekte olar joǵary márte­belerge qol jetkizse, soǵan óziniń qýanatynyn zor tebirenispen atap ótti. Ataýly stıpendııa 2011 jylǵy 30 ta­myz kúni ýnıversıtettiń Ǵylymı ke­ńesi sheshimimen taǵaıyndalǵan bola­tyn. Bıylǵy jylǵy ataýly stıpendııa­ny dızaın fakýltetiniń stýdenti Ha­mıtov Sapar, qazaq tili jáne áde­bıeti fakýltetinen – Bolatova Mádı­na, quqyqtaný fakýltetinen – Egin­janov Dıas, psıhologııa fakýl­tetinen – Ibragım Móldir, «Esep jáne aýdıt» fakýltetinen – Esenǵulova Ásel enshiledi. Ataýly stıpendııa ıegerleri Keńes Odaǵynyń Batyry, Halyq Qaharmany Toqtar Áýbákirovtiń qolynan kýá­lik­ter, batyrdyń qoltańbasymen ómir­baıandyq kitaptaryn, estelik káde­syı­laryn aldy. Kýálikterdi tapsyrý saltanaty «Turan – Astana» ýnıversıteti kór­kemóner­pazdarynyń konsertimen órnek­­teldi. Shoý-baǵdarlama tutastaı ǵa­­rysh ta­qy­rybyna arnaldy. Sáýle ShYNTAEVA.