M.Ospanov atyndaǵy Batys Qazaqstan memlekettik medısına ýnıversıtetinde oblystyq tilderdi damytý basqarmasynyń uıymdastyrýymen «Ataýlar syr shertedi» jobalar baıqaýynyń aıasynda «Meniń kóshemniń tarıhy» aksııasy ótkizildi. Aksııanyń maqsaty týǵan ólkesiniń, eldi mekender men kóshelerdiń tarıhy týraly jastar tanymyn arttyrý jáne tarıhty zertteýge úles qosýyn qalyptastyrý, oblystyń toponımııa keńistigine ǵylymı negiz jasaýyna qatystyrý bolyp tabylady.
Sharaǵa qatysýshylarǵa «Onomastıka til biliminiń ajyramas bóligi» taqyrybynda oblystyq tilderdi damytý basqarmasynyń atqarǵan jumystaryn qamtıtyn beıne rolık usynyldy. Aksııa Aqtóbe qalasyndaǵy Pasaev atyndaǵy kósheniń tarıhyna arnaldy. Oblystyq qoǵamdyq saıası keńes tóraǵasynyń orynbasary, oblystyq onomastıka komıssııasynyń múshesi Erkin Qurmanbek «Máńgilik El – muratymyz» atty taqyrypta, oblystyq Planetarıı dırektorynyń orynbasary Bıbigúl Mustafına jerlesimiz kosmonavt-ushqysh V.Pasaevtyń ómir joly jaıly áserli áńgimeledi. Jınalǵandar V.Pasaev týraly «Zvezdnyı pýt Vıktora Pasaeva» dep atalatyn beıne-rolıkti tamashalady.
Q.Jubanov atyndaǵy óńirlik memlekettik ýnıversıtettiń tarıh fakýltetiniń stýdenti Baný Jumanazarova «Aqtóbe kósheleriniń tarıhy týraly», Aqtóbe qalasyndaǵy N.Nazarbaev zııatkerlik mektebiniń oqýshysy Aıbar Shaımuhanov «Haziret Meńdiǵalıev atyndaǵy kóshe» degen taqyryptarda óz zertteý materıaldaryn kópshilikke usyndy. Aksııaǵa qatysýshylar Máńgilik Eldiń óz Otanymyzdan bastalatynyn, oǵan jastardyń belsendi atsalysýy, otansúıgishtik, patrıottyq tárbıe baǵytynda oı qozǵady.
Jastardyń «Ataýlar syr shertedi» jobasyna qatysýshylar sany jyl saıyn artyp keledi. Bul jobaǵa 2013 jyly 120 jas, 2015 jyly 203 stýdentter men mektep oqýshylary qatysyp eldi mekender men kósheler ataýlaryn zerttedi. 2013 jyly baıqaýǵa 67 joba, 2015 jyly 86 joba sarapqa salyndy.
Aksııa aıasynda jobalar baıqaýynyń jeńimpazdary Q.Jubanov atyndaǵy óńirlik memlekettik ýnıversıtetiniń stýdenti Nurbolat Tilegenovke, Aqtóbe qalasyndaǵy №9 mektep-gımnazııasynyń 8-synyp oqýshylary Danıl Rezıaev pen Dıana Rogoznıkovaǵa bas júlde, aqshalaı syılyqtar tabys etildi. Sonymen birge, «Memlekettik tildiń qoldanylý aıasyn keńeıtýge, qazaqstandyq rýhanı birlikti qalyptastyrýǵa zor úles qosqany úshin» nomınasııasy boıynsha jastardy áskerı-patrıottyq rýhta tárbıeleý maqsatynda mektepterde jaýyngerlik dańq murajaılaryn ashyp, Germanııa jáne Avstrııa jerinde qaza tapqan qazaqstandyqtardy «Estelik» kitabynan irikteý isindegi eńbegi úshin «Flot baýyrlastyǵy» qoǵamdyq uıymynyń tóraǵasy Marat Serdalıev, óńirdegi jer-sý ataýlaryn tarıhı turǵydan retteý isinde júıeli jumysty uıymdastyrǵany úshin oblystyq tilderdi damytý basqarmasynyń bólim basshysy Almat Pangereev, el úshin qaza tapqan jaýyngerlerdiń súıekterin týǵan jerine jetkizip, esimderin ulyqtap, urpaq jadynda jańǵyrtýdaǵy patrıottyq taǵylymy úshin «Qazaqstan Respýblıkasy Aýǵanstan ardagerleriniń odaǵy» qoǵamdyq uıymy Aqtóbe fılıalynyń basshysy Gýmer Galeev, qazaq tilin oqytý ádistemesin halyqaralyq deńgeıde nasıhattaǵany úshin Aqtóbe qalasyndaǵy №9 orta mektep-gımnazııanyń qazaq tili men ádebıeti pániniń muǵalimi Nurgúl Qadyrova aqshalaı syılyqtarmen marapattaldy.
Oblystyq tilderdi damytý basqarmasy aldaǵy jyldary bul jobany Aqtóbe óńirimen shekaralas aýdandardaǵy eldi mekenderdiń ataýlarynyń tarıhyn zertteýge arnamaq. Joba qazaq, orys jáne aǵylshyn tilderinde júrgiziletin bolady.
Satybaldy SÁÝIRBAI,
«Egemen Qazaqstan».
Aqtóbe oblysy.