15 000 sharshy metrge óristetiledi
Astanada ótetin «KADEX-2016» halyqaralyq qarý-jaraq pen áskerı-tehnıkalyq múlik kórmesiniń statıkalyq ekspozısııasyn uıymdastyrý úshin 15 myńdaı sharshy metr, sondaı-aq, 8 jabyq pavılon bólindi.
Munda álemniń ár elinen kelgen qatysýshy kompanııalar ornalastyrylady. Qazirgi ýaqytta 300-den asa áskerı tehnıka óndirýshi kompanııalar óz ónimin kórmege usynýǵa ázir. Bul rette, sheteldik qatysýshylardyń, sondaı-aq, taıaý jáne alys shetelderdiń ókilderinen ótinimder kún saıyn kelip túsýde.
Aldaǵy «KADEX-2016» kórmesi Astanada maýsymnyń 2-i men 5-i aralyǵynda ótedi. Atalǵan kórmeniń basty maqsatynyń biri Qazaqstannyń qorǵanys-ónerkásibi keshenin jandandyrý bolyp tabylady. Áskerı maqsattaǵy qazaqstandyq jáne sheteldik taýar óndirýshilerdiń birlesken jumysy úshin alań retinde kórme otandyq qorǵanys-ónerkásibi keshenin damytý úshin qosymsha jaǵdaılar jasaýǵa múmkindik beredi. Sonymen birge, «KADEX-2016» jetekshi sheteldik jáne otandyq taýar óndirýshilermen áskerı-tehnıkalyq yntymaqtastyqty jaqsartýǵa yqpal etedi, ári qaraı satyp alý úshin ónimniń túrlerin aıqyndaýǵa múmkindik týǵyzady.
Búgingi tańda «KADEX» kórmesi 2010 jyldan bastap úsh ret ótkizildi. Onyń basty nátıjesi ártúrli maqsattaǵy optıkalyq-elektrondyq aspaptardy shyǵarý boıynsha birlesken kásiporyndardy qurý, radıolokasııa jáne radıoelektrondyq kúres júıelerin shyǵarý men tehnıkalyq qyzmet kórsetý, úsh koordınataly radıolokasııalyq stansalardy shyǵarý, sondaı-aq, brondy keýdeshelerdi shyǵarý boıynsha birqatar birlesken óndirister boldy.
«Egemen-aqparat».