QYZYLORDA. 24 aqpan. Qyzylorda oblysy men G-Global Halyqaralyq hatshylyǵy arasynda jasyl ekonomıkany damytý, qorshaǵan ortany qorǵaý men óńirge ınvestısııa tartý, ınnovasııalyq jobalardy birlesip júzege asyrý, «EKSPO-2017» kórmesi arqyly Qyzylorda oblysynyń úzdik ınnovasııalyq jobalaryn nasıhattaý týraly kelisim jasaldy. Bul týraly oblystyq ákimdiktiń baspasóz qyzmetine silteme jasap egemen.kz habarlaıdy.
«G-Global – Elbasynyń bastamasymen qurylǵan uıym. Onyń negizgi maqsaty halyqaralyq problemalardy talqylap, ony sheshý joldaryn qarastyrý. Astana ekonomıkalyq forýmy men Daǵdarysqa qarsy dúnıejúzilik konferensııasy sııaqty aýqymdy sharalardy ótkizýge atsalysqan. Sondyqtan búgingi memorandým aıasynda biz de G-Global Halyqaralyq hatshylyǵymen birlesip, ortaq jobalardy júzege asyramyz dep senemin», dedi oblys ákimi Qyrymbek Kósherbaev.
«Qyzylorda oblysynda atqarylǵan jumystar, júzege asyrylýy josparlanǵan jobalardy kórip, qýanyp otyrmyn. Ekijaqty memorandýmdy júzege asyrý úshin arnaıy Jol kartasy qabyldanatyn bolady. Iаǵnı, birlesip atqaratyn jumysymyzdy aıqyndap alamyz. Negizgi maqsatymyz – Syr óńirine ınvestısııa tartý, «EKSPO-2017» kórmesi arqyly Qyzylorda oblysynyń úzdik ınnovasııalyq jobalaryn nasıhattaý», deıdi G-Global Halyqaralyq hatshylyǵynyń basshysy Serik Nógerbekov.
Erjan Baıtiles.
Derek, sýret: egemen.kz