ASTANA. 24 aqpan. AQSh-tyń Mars kondıterlik kompanııasy 4 mıllıon shokolad kámpıtin satylymnan alyp tastaý jumystaryn bastady. Oǵan Germanııada tutynýshylardyń biri shokoladtan plastıkalyq deneniń bóligin taýyp alýy sebep bolyp otyr. Bul týraly euronews.com-ǵa silteme jasaǵan egemen.kz tilshisi habarlady.
Dúken sórelerinen alynatyn ónimderdiń ishinde «Mars», «Snıkers» jáne «Mılkı Veı» shokoladtary bar. Táttilerdiń bul partııasy Nıderlandynyń Vehel qalasynda daıyndalǵan eken. Álemniń 55 eline tarap úlgergen kámpıtterdi búginde keri qaıtarý jumystary qarqyndy júrgizilýde. Nazarǵa ilikken shokoladtardyń jaramdylyq merzimi osy jyldyń maýsym aıy men kelesi jyldyń qańtar aıyna deıin ekenin atap ótken jón.
Ázirge plastıktiń kámpıttiń ishine qalaı túskeni belgisiz. Biraq taýyp alǵan tutynýshy onyń óte ótkir ekenin aıtyp, balalardyń jaraqat alýy múmkin ekenin de eske salǵan.
Elaman Qońyr.
Derek: euronews.com.
Sýret: onliner.by.