QARAǴANDY. 24 aqpan. Qaraǵandy oblysyndaǵy 52 859 áskerı bólimshesiniń sarbazy Azamat Mákenov «Tótenshe jaǵdaıdaǵy erligi úshin» tósbelgisimen marapattaldy. Bul týraly nv.kz saıtyna silteme jasaǵan egemen.kz tilshisi habarlady.
Áskerı qyzmetker Azamat Mákenov byltyrǵy kúzde qyzyl jalyn oraǵan úı ishinen úsh birdeı adamdy qutqaryp alǵan bolatyn.
Azamat Mákenov keshkisin jumystan úıine qaıtyp kele jatqanynda Moskovskaıa kóshesinde úılerdiń birinen órt shyqqanyn baıqap qalady. Kishi serjant oılanyp jatpastan, janyp jatqan úıdiń ishine kirip baryp, eki adamdy tysqa alyp shyǵady. Sol kezde taǵy bir áıeldiń ishte qalǵanyn estip, bul ýaqytta órt qushaǵynda tutastaı qalǵan úıge qaıta kiredi. Osylaısha ol úshinshi adamdy da ajaldan aman alyp qalady.
Beıbit kúndegi osy erligi úshin Ulttyq gvardııanyń kishi serjanty Azamat Mákenov Ishki ister mınıstriniń buıryǵymen «Tótenshe jaǵdaıdaǵy erligi úshin» tósbelgisimen saltanatty túrde marapattaldy.
Qaırat Ábildınov.
Derek, sýret: nv.kz.