ASTANA. 27 aqpan. Almaty qalasynda zańsyz salynǵan restoran buzylyp, ornynan súrilip tastalady. Bul týraly q.ala ákiminiń baspasóz qyzmetine silteme jasalǵan Zakon.kz aqparyna súıengen egemen.kz tilshisi habarlady.
Atap ótilgendeı, áńgime Bostandyq aýdanynda ornalasqan restoran týraly bolyp otyr. Ol memleket basshysynyń tapsyrmasyna saı jasalyp jatqan kórinedi.
Ákimdiktegiler aıtylyp otyrǵan restorannyń «Alataý» shaǵyn aýdanynda, Birinshi prezıdent parkinen joǵarǵy jaqtaǵy Navoı kóshesiniń boıynda, plotınaǵa jetpeı ornalasqanyn jetkizdi.
Eske sala keteıik, jaqynda Nursultan Nazarbaev Almatyǵa jasaǵan sońǵy sapary barysynda ál-Farabı kóshesiniń joǵarǵy jaǵyna salynyp ketken turǵyn úı qurylystaryn synǵa alǵan bolatyn. Memleket basshysy qala ákimi Baýyrjan Baıbekke ornymen salynbaǵan úılerdi býldozermen súrip tastaý jóninde tapsyrma berdi.
Rýslan Igilik.
Derek: Zakon.kz.