ASTANA. 1 naýryz. Áıgili akter, 1968 jyly «Oskar» syılyǵynyń jeńimpazy Djordj Kennedı 91 jasynda dúnıeden ótti. Bul týraly «Interfaks» aqparat agenttigine silteme jasaǵan egemen.kz tilshisi habarlady.
Nemeresi Korı Shenkeldiń aıtýynsha, akter Aıdaho shtatyna qarasty Boıse qalasynda qaıtys boldy.
Djordj Kennedı – Ekinshi dúnıejúzilik soǵystyń ardageri, 16 jyl boıy AQSh áskerinde qyzmet etken. Soǵystan oralǵan soń, «Sharada» (Charade), «Tynysh, tynysh, súıikti Sharlotta» (Hush, Hush, Sweet Charlotte), «Fenıkstiń ushýy» (Flight of the Phoenix) sekildi birneshe fılmderge túsken.
«Salqynqandy Lıýk» (Cool Hand Luke) jáne «Ashyq qarý» (The Naked Gun: From the Files of Police Squad!) kınokartınalary arqyly ataǵy sharyqtaı tústi.
1968 jyly Djordj Kennedı «Salqynqandy Lıýk» dramasyndaǵy Draglaın rólin somdaǵany úshin «Oskar» sylyǵynyń «Ekinshi plandaǵy úzdik aktery» ataǵyn ıemdendi. Kıno ónerindegi eńbegine baılanysty Gollıvýdtaǵy «Dańq alleıasynyń» juldyzy berilgen
Aıan Ábdýálı.
Derek: «Interfaks».
Sýret: kp.ru.