ASTANA. 1 naýryz. Elbasy Astana jáne Qazaqstan mıtropolıti Aleksandrdy qabyldady. Bul týraly akorda.kz habarlady.
Memleket basshysy kezdesý barysynda mıtropolıt Aleksandr arqyly Qazaqstannyń barsha pravoslavtaryn Alǵys aıtý kúnimen quttyqtady.
Qazaqstan Prezıdenti bul meıram elde saltanat qurǵan turaqtylyq, birlik jáne kelisimniń sımvoly retinde shynaıy halyqtyq mereke bolyp sanalatynyn aıtty. Nursultan Nazarbaev bir-birine degen renishin keshirý, alǵys aıtý, qurmet kórsetý jáne yntymaq tanytý Alǵys aıtý kúniniń mańyzdy dástúrleri ekenine nazar aýdardy.
Mıtropolıt Aleksandr Memleket basshysyna osyndaı merekeniń belgilengeni úshin alǵys aıtty.
«Búgin barsha Qazaqstan halqy atap ótip jatqan osy tamasha merekemen Sizdi quttyqtaýǵa ruqsat etińiz. Eger byltyrǵy jyl Qazaqstan halqy assambleıasynyń jáne Konstıtýsııanyń 20 jyldyǵy, Jeńistiń 70 jyldyǵy, sııaqty eleýli oqıǵalarmen atap ótilse, 2016 jyl – bizdiń Táýelsizdigimizdiń 25 jyldyǵy. Sondyqtan bıyl Alǵys aıtý kúnin taǵaıyndaý – óte dana sheshim. Bul kún tatýlyq pen turaqtylyq úshin barlyq etnostardyń bir-birine jáne eń aldymen qýǵyn-súrginniń jazyqsyz qurbandaryn osy qasıetti jerde panalatqan, olarǵa qoldaý kórsetken qazaq halqyna aıtar alǵysty bildiredi. Bul – bizdiń halqymyz úshin qajet ári mańyzdy mereke», – dedi mıtropolıt Aleksandr.
Elaman Qońyr.
Derek, sýret: akorda.kz.