ASTANA. 12 naýryz. Búgin fýtboldan Qazaqstan premer-lıgasynyń jańa – 25 maýsymy bastaldy. Alǵashqy kúni birinshi týrdyń úsh oıyny oınaldy. Bul týraly egemen.kz tilshisi habarlady.
«Taraz» (Taraz) – «Qaırat» (Almaty) 2:1
Goldar: Igor Zenkovıch 65, Taras Danılıýk 87 – Vıtalıı Lı 89.
Osydan birneshe kún buryn Qazaqstan Sýperkýbogyn jeńip alǵan «Qaırat» komandasy syrt alańda ótken ishki birinshiliktiń alǵashqy oıynynda jeńilip qaldy. Alań ıeleriniń sapynan Igor Zenkovıch pen Taras Danılıýk bir-bir goldan soqsa, «Qaırat» komandasynan Vıtalıı Lı jalǵyz doptyń ıesi atandy. Aleksandr Borodıýktiń premer-lıgadaǵy alǵashqy oıyny jeńilispen aıaqtaldy. Kelesi týrda «Qaırat» komandasy syrt alańda Kókshetaýdyń «Oqjetpes» komandasyna qarsy oınaıdy.
«Jetisý» (Taldyqorǵan) – «Atyraý» (Atyraý) 1:1
Goldar: Baýyrjan Turysbek 61 – Ulan Qonysbaev 19.
«Astana» (Astana) – «Shahter» (Qaraǵandy) 2:1
Goldar: Djordje Despotovıch 47, Tańat Nóserbaev 65 – Kornelıs Ýbbınk 8.
Aıta keteıik, erteń birinshi týrdyń qalǵan oıyndary oınalatyn bolady. Ol oıyndarda myna komandalar kezdesedi:
«Ordabasy» (Shymkent) – «Aqtóbe» (Aqtóbe)
«Ertis» (Pavlodar) – «Oqjetpes» (Kókshetaý)
«Tobyl» (Qostanaı) – «Aqjaıyq» (Oral).
Aıan Ábdýálı.
Derek: egemen.kz.
Sýret: vk.com.